सॅमसंग ने गॅलेक्सी ए सिरीज स्मार्टफोनची श्रेणी आणखी विस्तारीत करण्याचा निर्णय घेतला असून त्यांचा ए एट स्मार्टफोन लवकरच लाँच होत असल्याचे सांगितले जात आहे. ए सेव्हनच्या नव्या अवतारात हा फोन येईल आणि तो कंपनीचा सर्वाधिक सडपातळ फोन असेल असेही समजते.

सॅम मोबाईलच्या रिपोर्टनुसार हा स्मार्टफोन कंपनीचे हायरेंज मॉडेल असेल. त्याला ५.७ इंची फुल एचडी सुपर अमोलेड स्क्रीन, १६ एमपीचा रियर कॅमेरा, सेल्फीसाठी ५ एमपीचा कॅमेरा, २ जीबी रॅम, अँड्राईड ५.० लॉलीपॉप ओएस, १६ जीबी इंटरनल मेमरी, ४ जी कनेक्टीव्हीटी अशी फिचर्स असतील असेही हा अहवाल सांगतो. या स्मार्टफोनचा थिकनेस केवळ ५.९ मिमी इतका आहे.