रतन टाटा, नॅनो आणि अमिताभ बच्चन यांच्यातील हे कनेक्शन जाणून तुम्हालाही बसेल आश्चर्याचा धक्का

लोकांना परवडणाऱ्या किमतीत सुरक्षित कार उपलब्ध करून देणे हा रतन टाटा यांचा ड्रीम प्रोजेक्ट होता. म्हणून त्यांनी 2008 मध्ये टाटा नॅनो लाँच केली. त्यांना ही कार इतकी आवडली की त्यांच्या निवृत्तीच्या दिवसांमध्ये ते अनेकदा या कारमधून प्रवास करताना दिसले. ही कार त्यांनी अवघ्या 1 लाख रुपयांत लॉन्च केली.

रतन टाटांच्या या ड्रीम कारचे केवळ सामान्य लोकच नाही, तर अमिताभ बच्चन यांनाही वेड लागले होते. अमिताभ बच्चन यांच्याकडे गाड्यांची कमतरता नाही आणि त्यांच्या कलेक्शनमध्ये अनेक आलिशान गाड्या आहेत. तरुणपणापासूनच त्यांना कारची आवड होती, परंतु जेव्हा 2015 मध्ये टाटा नॅनोचे अपग्रेडेड व्हर्जन लॉन्च झाले, तेव्हा अमिताभ बच्चन देखील ते खरेदी करण्यापासून स्वतःला रोखू शकले नाहीत.

मीडिया रिपोर्ट्सनुसार, अमिताभ बच्चन बंगालमध्ये होते, जेव्हा त्यांना टाटा नॅनोच्या अपग्रेडेड व्हर्जनबद्दल माहिती मिळाली. त्यांनी कोलकाता येथील एका शोरूममध्ये जाऊन या कारची तपासणी केली आणि एकाच वेळी 2 कारची ऑर्डर दिली. त्यांनी लाल आणि जांभळ्या रंगाची नॅनो खरेदी केली होती.

ही कार त्यांनी त्यांची नात नव्या नवेली हिच्यासाठी खरेदी केल्याचे सांगितले जात आहे. आजही ही कार त्याच्या कलेक्शनमध्ये आहे की नाही याची कोणतीही अपडेटेड माहिती नाही.

मात्र, अमिताभ बच्चन आणि रतन टाटा यांच्यातील आणखी एक खास संबंध म्हणजे त्यांचे कुत्र्यांवरचे प्रेम. अमिताभ बच्चन यांच्याही घरात सुरुवातीपासून कुत्रे आहेत, तर रतन टाटा यांनी टाटा सन्सच्या त्यांच्या कार्यालयाचा काही भाग कुत्र्यांच्या क्रेंचमध्ये बदलला होता. रतन टाटा यांनीही त्यांच्या मृत्यूपत्रात कुत्र्यासाठी बरीच व्यवस्था केली आहे.

टाटा नॅनो बनवण्याची कल्पना रतन टाटा यांना तेव्हा सुचली, जेव्हा त्यांनी एका सामान्य भारतीय कुटुंबाला पावसात भिजताना पाहिले. 2 प्रौढ आणि 2 मुले असे हे कुटुंब स्कूटरवरून जात असताना पावसात स्कूटर घसरण्याचा धोका होता. मग रतन टाटा यांना एक असे वाहन बनवण्याची कल्पना सुचली जी जवळजवळ स्कूटर किंवा बाईकच्या किंमतीत कारची सुरक्षा प्रदान करू शकते.