ज्याच्या एका इशाऱ्यावर पृथ्वी शॉ बनला ‘करोडपती’, त्याने उघड केले मोठे गुपित, सांगितले आयपीएलमध्ये दुर्लक्षित केल्याचे खरे कारण

2018 मध्ये, पृथ्वी शॉने अंडर-19 विश्वचषक स्पर्धेत भारतीय संघाचे नेतृत्व केले. या काळात त्याने खूप धावा केल्या होत्या. त्याची प्रतिभा सर्वत्र प्रसिद्ध होती. त्याची प्रतिभा पाहून त्याला दिल्ली संघात आणण्यात अमरेने महत्त्वाची भूमिका बजावली. 2018 मध्ये, त्याच्याच सांगण्यावरून दिल्लीने शॉला 1.2 कोटी रुपयांची मोठी किंमत देऊन संघात समाविष्ट केले. यामुळे तो वयाच्या 19 व्या वर्षी करोडपती झाला. या वर्षी न विकल्या गेलेल्या शॉचा संघात पुन्हा समावेश केल्याबद्दल अमरे यांनी दिल्ली कॅपिटल्सचे आभार मानले.

टाइम्स ऑफ इंडियाला दिलेल्या मुलाखतीत त्यांनी सांगितले की, पृथ्वी शॉने वयाच्या 23 व्या वर्षी 30 ते 40 कोटी रुपये कमावले होते. एवढ्या लहान वयात अचानक एवढा पैसा कमावल्यावर लक्ष कमी होते. कदाचित तो आयपीएलचे ग्लॅमर, पैसा आणि साइड इफेक्ट्स हाताळू शकत नाही, असे अमरे म्हणाले. शॉसोबत जे घडत आहे, ते इतर क्रिकेटपटूंसोबत घडू नये. यासाठी शॉची कारकीर्द भारतीय क्रिकेटमधील केस स्टडी ठरू शकते. खेळाडूची कारकीर्द कशी भरकटते? शॉची कारकीर्द उलट्या दिशेने जात असल्याचे पाहून अमरे यांनी दुःख व्यक्त केले आणि केवळ प्रतिभा तुम्हाला शिखरावर नेऊ शकत नाही, असे सांगितले.

प्रवीण अमरे यांनी मुलाखतीदरम्यान खुलासा केला की, पृथ्वी शॉ लहान असताना त्यांनी शॉला एअर इंडियासोबत 5 वर्षांची शिष्यवृत्ती दिली होती. तीन वर्षांपूर्वी त्यांनी विनोद कांबळीचे उदाहरण देऊन अमरेंनी शॉला इशारा देण्याचाही प्रयत्न केला होता. असे असूनही त्याने चुका केल्या आणि पैशाचे योग्य व्यवस्थापन करू शकला नाही.

शॉने चांगले मित्र बनवले नाहीत आणि क्रिकेटला महत्त्व दिले नाही, त्याचे परिणाम आज भोगावे लागत आहेत. अमरे यांनी सांगितले की त्यांनी पृथ्वी शॉला खूप सपोर्ट केला, पण अनुशासनहीनतेमुळे त्याला वगळावे लागले. आयपीएलमध्ये दुर्लक्ष होत असल्याचे त्याने सकारात्मपणे घेतले पाहिजे. तो फक्त 25 वर्षांचा आहे आणि आतापासून त्याने डोळे उघडले, तर तो खूप पुढे जाऊ शकतो.