48 तासांत या क्रिकेटपटूंसोबत काय झाले? समोर आला व्हिडिओ

फिल सॉल्ट वेस्ट इंडिजमध्ये क्रिकेट खेळत आहे. तर संजू सॅमसन दक्षिण आफ्रिकेत भारतीय संघासोबत खेळत आहे. पण, एकमेकांपासून मैल दूर खेळूनही त्यांच्यासोबतही अशीच घटना घडली. तेही अवघ्या 48 तासांत. या दोन क्रिकेटपटूंचे काय झाले, आता जाणून घेऊ या.
https://x.com/JioCinema/status/1855616091290210741?ref_src=twsrc%5Etfw%7Ctwcamp%5Etweetembed%7Ctwterm%5E1855616091290210741%7Ctwgr%5Eb9b0b581490ab0fce0d51aa04e6378f7e4aff363%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fphil-salt-and-sanju-samson-from-scoring-century-to-duck-in-next-match-of-t20i-cricket-video-2936440.html
सर्वप्रथम संजू सॅमसनबद्दल बोलूया. दक्षिण आफ्रिकेविरुद्धच्या टी-20 मालिकेतील पहिल्या सामन्यात संजू सॅमसनने सलामी देताना शतक झळकावले. पण, 48 तासांनंतर त्याच संघाविरुद्ध दुसरा सामना झाला, तेव्हा सॅमसनला खातेही उघडता आले नाही. केवळ 3 चेंडू खेळल्यानंतर पहिल्या सामन्यातील हीरो दुसऱ्या सामन्यात बाद होऊन डगआऊटमध्ये परतला.
https://x.com/cricketontnt/status/1855733033296433564?ref_src=twsrc%5Etfw%7Ctwcamp%5Etweetembed%7Ctwterm%5E1855733033296433564%7Ctwgr%5Eb9b0b581490ab0fce0d51aa04e6378f7e4aff363%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fphil-salt-and-sanju-samson-from-scoring-century-to-duck-in-next-match-of-t20i-cricket-video-2936440.html
आता फिल सॉल्टबद्दल बोलूया, त्याने वेस्ट इंडिजविरुद्ध सुरू असलेल्या टी-20 मालिकेतील पहिल्या सामन्यात शतक झळकावले. 103 धावांची नाबाद खेळी खेळली. सॅमसनप्रमाणेच तो आपल्या संघासाठी पहिल्या सामन्याचा हिरो ठरला. पण त्यानंतर काय झाले? अवघ्या 24 तासांनंतर, जेव्हा दुसरा टी-20 खेळायला गेला, तेव्हा पहिल्याच सामन्याचा हिरो पहिल्याच चेंडूवर बाद झाला. त्याला खातेही उघडता आले नाही.

सॅमसन आणि सॉल्टच्या कथेत वेगळे काय होते, ते म्हणजे सॅमसन शून्यावर आऊट झाल्यानंतर त्यांचा संघ दुसऱ्या टी-20मध्ये पराभूत झाला. सॉल्ट शून्यावर बाद झाल्यावरही दुसऱ्या सामन्यात इंग्लंडला वेस्ट इंडिजचा पराभव करण्यात यश आले.