शिखर धवन पुन्हा कुणाच्या प्रेमात आहे का? धवन पुन्हा लग्न करणार का? हा प्रश्न आहे, कारण समोर आलेले फोटो या दिशेने निर्देश करत आहेत. शिखर धवन एका नवीन मुलीसोबत कॅमेऱ्यात कैद झाला आहे. तो विमानतळावर त्या मिस्ट्री गर्लसोबत स्पॉट झाला आहे. ती मुलगी कोण आहे आणि तिचा धवनशी काय संबंध आहे याबाबत अद्याप काहीही अधिकृतपणे सांगण्यात आलेले नाही. पण, टीम इंडियाच्या माजी सलामीवीराच्या आयुष्यात काहीतरी नवीन घडण्याची शक्यता दिसत आहे.

सोशल मीडियावर नवीन मुलीसोबत व्हायरल झालेल्या व्हिडिओमध्ये धवन निळ्या रंगाचा टी-शर्ट आणि काळ्या रंगाचा कार्गो घातलेला दिसत आहे. या व्हिडिओमध्ये धवन जिच्याबद्दल चर्चेत आहे, ती मुलगीही दिसत आहे. मुलगी कॅमेऱ्यापासून स्वतःचे संरक्षण करताना दिसली आणि ती लाजाळू दिसते. धवनसोबत एकाच फ्रेममध्ये तिचा फोटो कोणी काढू नये, यासाठी ती पुरेपूर प्रयत्न करत होती.

शिखर धवनचा पत्नी आयशा मुखर्जीसोबत गेल्या वर्षी ऑक्टोबरमध्ये घटस्फोट झाला होता. घटस्फोटानंतर एका नव्या मुलीसोबत दिसणारा धवन बरेच काही सांगून जातो. आता शिखर धवनचे हे नवे नाते आगामी काळात कोणते वळण घेते, हे पाहणे उत्सुकतेचे ठरणार आहे.

डावखुरा सलामीवीर शिखर धवनच्या क्रिकेट कारकिर्दीबद्दल बोलायचे झाले, तर त्याने याच वर्षी ऑगस्टमध्येच निवृत्ती जाहीर केली होती. धवनने त्याच्या आंतरराष्ट्रीय कारकिर्दीत 269 सामने खेळले, ज्यात त्याने 10867 धावा केल्या. या कालावधीत त्याने 24 शतके आणि 44 अर्धशतके केली आहेत. 2015 च्या एकदिवसीय विश्वचषकात धवन भारतासाठी सर्वाधिक धावा करणारा खेळाडू होता. त्याने 8 सामन्यात 51.50 च्या सरासरीने 412 धावा केल्या होत्या.