अजय देवगणसमोर टिकू शकला नाही कार्तिक आर्यन, सिंघमने रिलीज होण्यापूर्वीच जिंकली सर्वात मोठी लढाई

सिंघम अगेन आणि भूल भुलैया 3 च्या निर्मात्यांनी रिलीज होण्याआधीच त्यांच्या चित्रपटांचे बिगर थिएटर हक्क म्हणजेच डिजिटल हक्क, संगीत हक्क आणि सॅटेलाइट हक्क विकले आहेत. हे हक्क विकून दोन्ही चित्रपटांच्या निर्मात्यांनी करोडो रुपये कमावले आहेत. पण नॉन थिएटर राइट्स डीलच्या बाबतीत सिंघम अगेनच्या निर्मात्यांनी बाजी मारली आहे.

सिंघम अगेन जवळपास 250 कोटी रुपयांच्या बजेटमध्ये बनवण्यात आला आहे. पण या चित्रपटाने कमाल केली आहे. रोहित शेट्टी दिग्दर्शित सिंघम अगेनच्या नॉन-थिएट्रिकल राइट्ससाठी 200 कोटी रुपयांची डील झाली आहे. म्हणजेच तोटा टाळण्यासाठी चित्रपटाला फक्त 50 कोटींची कमाई करायची आहे.

कार्तिक आर्यनने बॉक्स ऑफिसवर अजयच्या समोर उभे राहण्याचे धाडस केले आहे. पण त्याचा चित्रपट अजयच्या चित्रपटापेक्षा खूपच मागे पडला आहे. बिगर थिएट्रिकल राइट्स डीलच्या बाबतीत, भूल भुलैया 3 सिंघम अगेनइतकी कमाई करू शकला नाही. रिपोर्टनुसार, भूल भुलैया 3 चे नॉन-थिएटर राइट्स 135 कोटी रुपयांना विकले गेले आहेत. यामध्ये सॅटेलाइट, ओटीटी म्हणजेच डिजिटल आणि संगीत अधिकारांचा समावेश आहे.

भूल भुलैया 3 च्या निर्मात्यांसाठी चांगली बातमी अशी आहे की त्यांनी या डीलमधून बजेटचा मोठा हिस्सा मिळवला आहे. भूल भुलैया 3 जवळपास 150 कोटी रुपयांच्या बजेटमध्ये बनवण्यात आला आहे. अशा परिस्थितीत चित्रपटाने बॉक्स ऑफिसवर 15 कोटींचा व्यवसाय करताच त्याचे निर्माते तोट्यातून वाचतील. नंतर जे काही कमावले जाईल तो नफ्याचा भाग असेल.

‘भूल भुलैया 3’मध्ये तृप्ती डिमरी कार्तिकसोबत दिसणार आहे. विद्या बालनलाही चित्रपटात परत आणण्यात आले आहे. या चित्रपटाचे दिग्दर्शन अनीस बज्मी यांनी केले आहे. सिंघम अगेनबद्दल बोलायचे झाले, तर रोहित शेट्टीने याचे दिग्दर्शन केले आहे. या चित्रपटात अजयसोबत करीना कपूर खान दिसणार आहे. या चित्रपटात स्टार्सचा एक ग्रुप पाहायला मिळणार आहे. रोहितच्या या कॉप युनिव्हर्समध्ये दीपिका पादुकोण, रणवीर सिंग, अक्षय कुमार आणि टायगर श्रॉफ देखील दिसणार आहेत. यावेळी अर्जुन कपूर चित्रपटात खलनायकाच्या भूमिकेत दिसणार आहे.