सोशल मीडियावर व्हायरल होत असलेल्या व्हिडिओमध्ये एक पक्षी डायनासोरसारखा भयानक आवाज काढत असल्याचे दाखवले आहे, ज्याची तुलना मिनी टी-रेक्सशी केली जात आहे. प्रचंड पक्ष्याच्या भयानक आवाजाने इंटरनेट लोकांना धक्का दिला आणि भयभीत केले. अनेकांनी या पक्ष्याच्या आवाजाची तुलना ज्युरासिक पार्कच्या भितीदायक प्राण्याशी केली आहे.
हा पक्षी ओरडतो डायनासोरसारखा, विश्वास बसत नसेल तर पहा VIDEO
साडेसहा कोटी वर्षांपूर्वी पृथ्वीवरून नामशेष झालेले डायनासोर पुन्हा पाहायला मिळणार का या प्रश्नाचे उत्तर माहित नाही, पण सध्या सोशल मीडियावर डायनासोरसारखा आवाज काढणाऱ्या एका पक्ष्याने नेटकऱ्यांना नक्कीच आश्चर्याचा धक्का बसला आहे. व्हायरल होत असलेल्या व्हिडिओमध्ये पिंजऱ्यात एक मोठा पक्षी दिसत आहे. पुढच्याच क्षणात हा पक्षी जो आवाज काढतो ते ऐकून लोक थक्क होतात. कारण, हा पक्षी 90 च्या दशकातील ‘ज्युरासिक पार्क’ या हॉलिवूड चित्रपटात दाखवल्या गेलेल्या भयानक प्राणी डायनासोरसारखा आवाज काढत आहे.
हा व्हिडिओ @viralhog ने सोशल मीडिया प्लॅटफॉर्म इन्स्टाग्रामवर शेअर केला आहे, ज्याला आतापर्यंत 63 हजारांहून अधिक लोकांनी लाईक केले आहे. युजरने व्हिडिओच्या कॅप्शनमध्ये लिहिले आहे, अनोखा पक्षी जो डायनासोरसारखा आवाज काढतो. मात्र, या पक्ष्याचे नाव आणि तो कुठे आढळतो, याबाबत कोणतीही माहिती उपलब्ध नाही. व्हिडिओ क्लिप पाहिल्यानंतर बहुतेकांना प्रश्न पडतो की एखादा पक्षी असा आवाज कसा काढू शकतो. हेही पाहा: गांजा पिऊन परदेशी पोहोचला दवाखान्यात, रडत होती अशी अवस्था
पोस्टच्या टिप्पणी विभागात, काही वापरकर्त्यांनी दावा केला आहे की हा ‘ग्रेट इंडियन बस्टर्ड’ आहे, जो भारतीय उपखंडात आढळणारा एक मोठा पक्षी आहे. Britannica.com च्या मते, हा पक्षी 4 फूट उंच आणि 15 किलो वजनाचा असू शकतो. मात्र वजनदार असूनही हा पक्षी उडण्यास सक्षम आहे. मात्र शिकार आणि अधिवास नष्ट झाल्यामुळे पक्ष्यांची ही प्रजाती नामशेष होण्याच्या मार्गावर आहे.
एका यूजरने कमेंट केली की, हा पक्षी वेळ प्रवास करून परतला आहे. त्याच वेळी, दुसरा वापरकर्ता म्हणतो की सर्व पक्षी डायनासोरशी संबंधित आहेत. आणखी एका युजरने लिहिले की, मला प्रश्न पडतो की हा पक्षी शहामृगाइतका मोठा असता, तर तो काय खात असेल?