सिराजचा व्हिडीओ पाहून ऋषभ पंतला आवरता आले नाही हसू, वर्षांनंतर पुन्हा ठरला विनोदाचा विषय

ऋषभ पंतचा एक व्हिडिओ सोशल मीडियावर व्हायरल होत आहे. या व्हिडिओमध्ये तो कंटेंट क्रिएटर तन्मय भट्टच्या शोमध्ये दिसत आहे. यादरम्यान पंत ट्रेंडिंग आणि व्हायरल मीम्सवर प्रतिक्रिया देताना दिसला. त्यानंतर ऋषभ पंतला सिराजचा जुना व्हिडिओ दाखवण्यात आला. हा व्हिडिओ सिराजने त्याच्या कारकिर्दीच्या सुरुवातीच्या दिवसांत प्रसिद्ध केला होता. ज्यामध्ये त्याने त्याच्या अधिकृत इंस्टाग्राम आयडीची पुष्टी केली आहे. हा व्हिडिओ जेव्हा ऋषभ पंतचा समोर आला, तेव्हा तो पाहून त्याला हसू आवरता आले नाही. त्याची ही प्रतिक्रिया सध्या चांगलीच व्हायरल होत आहे.
https://x.com/wordofshekhawat/status/1832794968450093342?ref_src=twsrc%5Etfw%7Ctwcamp%5Etweetembed%7Ctwterm%5E1832794968450093342%7Ctwgr%5Ec635fe314a1c0acb5257410d4396b2f7c4fee760%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fmohammed-siraj-old-meme-video-makes-rishabh-pant-laugh-watch-2823214.html
बांगलादेशविरुद्ध 19 सप्टेंबरपासून सुरू होणाऱ्या दोन कसोटी सामन्यांच्या मालिकेतील पहिल्या सामन्यासाठी 16 सदस्यीय भारतीय संघाची निवड करण्यात आली आहे. ज्यामध्ये यष्टीरक्षक फलंदाज ऋषभ पंतने 20 महिन्यांनंतर कसोटी क्रिकेटमध्ये पुनरागमन केले आहे. दुलीप ट्रॉफीमध्ये पंतने दुसऱ्या डावात 47 चेंडूत 61 धावा केल्या होत्या. या दमदार कामगिरीनंतरच तो संघात पुनरागमन करण्यात यशस्वी ठरला आहे. त्याचवेळी मोहम्मद सिराजही मालिकेतील पहिल्या सामन्याचा एक भाग आहे. दुखापतीमुळे त्याला दुलीप करंडक स्पर्धेतून मुकावे लागले होते. मात्र तो आता पुनरागमन करण्याच्या तयारीत आहे.

टीम इंडिया सध्या वर्ल्ड टेस्ट चॅम्पियनशिपच्या पॉइंट टेबलमध्ये अव्वल स्थानावर आहे. अशा परिस्थितीत ही मालिका जिंकून भारतीय संघ आपले स्थान मजबूत करण्यावर भर देईल. त्याचवेळी पाकिस्तानचा पराभव करून बांगलादेशचा संघ भारतात येत आहे. अशा परिस्थितीत ही मालिका खूपच रोमांचक होणार आहे. वृत्तानुसार, या मालिकेसाठी निवडलेल्या खेळाडूंना 12 सप्टेंबर रोजी चेपॉकमध्ये एकत्र यावे लागेल. येथे खेळाडू कसोटी मालिकेसाठी त्यांचे प्रशिक्षण सुरू करतील. त्याचबरोबर बांगलादेश 15 सप्टेंबरपासून येथे प्रशिक्षण सुरू करणार आहे.