जो रूटशी पंगा घेणे पडले होते महागात, 12व्या क्रमांकावर फलंदाजी करणारा कसोटीपटू झाला निवृत्त

2019 मध्ये इंग्लंडच्या वेस्ट इंडिज दौऱ्यादरम्यान एका कसोटी सामन्यादरम्यान शॅनन गॅब्रिएल अडचणीत सापडला होता. सामन्यादरम्यान त्याने काही आक्षेपार्ह शब्द वापरले होते, जे त्याला चांगलेच महागात पडले. वास्तविक, सेंट लुसिया येथे झालेल्या या सामन्यात जो रूटने शानदार फलंदाजी केली. त्याला आऊट करणे अवघड होते. तेव्हा गॅब्रिएल त्याला स्लेज करत म्हणाला, “तू इतका का हसतोस, तुला मुले आवडतात का?”

गॅब्रिएल इथेच थांबला नाही, तो पुढे म्हणाला, “यात बदनामीकारक काहीही नाही. समलिंगी असण्यात काहीच गैर नाही.” त्याची स्लेडिंग स्टंप माइकमध्ये कैद झाली, त्यानंतर आयसीसीने कारवाई करत त्याच्यावर 4 सामन्यांची बंदी घातली. नंतर ग्रेबिएलने आपली चूक मान्य केली आणि माफीही मागितली. या कसोटी सामन्यात रुटने दुसऱ्या डावात शतक झळकावले होते आणि वेस्ट इंडिजला पराभवाचा सामना करावा लागला होता.

शॅनन गॅब्रिएलने आपल्या कारकिर्दीत 86 आंतरराष्ट्रीय सामने खेळले ज्यात त्याने 202 विकेट घेतल्या. त्याने 2012 मध्ये इंग्लंडविरुद्धच्या लॉर्ड्स कसोटीने आपल्या आंतरराष्ट्रीय कारकिर्दीला सुरुवात केली. यानंतर 2013 मध्ये त्याने टी-20 आणि 2016 मध्ये एकदिवसीय क्रिकेटमध्ये पदार्पण केले. गॅब्रिएलने 59 कसोटी सामन्यात 122 विकेट्स, 25 एकदिवसीय सामन्यांमध्ये 33 बळी आणि 2 टी-20 आंतरराष्ट्रीय सामन्यांमध्ये 3 विकेट घेतल्या आहेत.