झोपेवरून बांगलादेश संघात गदारोळ, शकिब अल हसन की तस्कीन अहमद… कोण बोलत आहे खोटे ?

ढाका वृत्तपत्र अजकेर पत्रिकाशी बोलताना तस्किन म्हणाला की तो थोडा उशीरा मैदानावर पोहोचला होता, पण तो टॉसच्या आधी मैदानावर पोहोचला होता. मला टीम बसमध्ये चढता आले नाही. सकाळी 8:35 ला बस निघाली, मी 8:43 ला मैदानाकडे निघालो. मी जवळपास बस सोबतच मैदानावर पोहोचलो. मी उशिरा आलो म्हणून त्यांनी मला निवडले नाही असे नाही. तरीही मी खेळणार नव्हतो.

शाकीब अल हसनने तस्किनच्या नेमके उलट बोलले. तो म्हणाला की, या वेगवान गोलंदाजाच्या उशिरा आगमनामुळे त्याची प्लेइंग इलेव्हनमध्ये निवड होणे कठीण झाले होते. शाकीबने प्रसारमाध्यमांना सांगितले की, ‘बस सहसा ठराविक वेळेवर सुटते. संघाची बस कोणाचीही वाट पाहत नाही, असा नियम आहे.’ शाकिबने सांगितले की, जर कोणी बसमध्ये बसणे चुकले, तर तो मॅनेजर आणि कार किंवा टॅक्सीने येऊ शकतो. टॉसच्या 5-10 मिनिटे आधी तस्किन आला, त्यामुळे त्याची प्लेईंग इलेव्हनमध्ये निवड होणे कठीण झाले. तस्किनने संपूर्ण टीमची माफी मागितली असून ही नकळत झालेली चूक असल्याचे शाकिबने म्हटले आहे.