इंझमाम-उल-हकला पचत नाही T20 विश्वचषकातील भारताचे यश, फसवणुकीनंतर केला हा मोठा आरोप

इंझमाम-उल-हकने बीसीसीआयवर आयसीसी टूर्नामेंटमध्ये मनमानी केल्याचा आरोप केला आहे. त्यांच्या मते बीसीसीआयचे नेहमीच वेगळे नियम असतात. पाकिस्तान संघाला भारतीय संघासारखा फायदा कधीच मिळत नाही. टी-20 विश्वचषकातील उपांत्य फेरी विशिष्ट ठिकाणी आयोजित करण्याच्या भारताच्या निर्णयावर इंझमामने टीका केली. टीम इंडिया आणि इंग्लंड यांच्यातील सेमीफायनलमध्ये जाणीवपूर्वक राखीव दिवस ठेवण्यात आला नाही, असा आरोप त्याने केला. भारत आपल्या गटात आधीच अव्वल आहे आणि जर पाऊस पडला, तर तो थेट अंतिम फेरीत जाईल. इंझमामच्या मते, बीसीसीआयच्या दबावाखाली आयसीसीने प्रत्येक सामन्यासाठी वेगवेगळे नियम बनवले आहेत. पाकिस्तानी चॅनल सुनो न्यूज एचडीवर त्याने या सर्व गोष्टी सांगितल्या आहेत.

No reserve day for SF-2 is scheduled so that India could go to the final as they are at top of the table.
When Pakistan was at stong position in Asia cup. Reserve day came in Pakistan's match.
Now, it's happening to ENG. It's not even big 3. It has become big 1

-Inzmam Ul haq pic.twitter.com/4k476Sul4V

— Varun Giri (@Varungiri0) June 26, 2024

इंझमामने आशिया कपच्या घटनेचाही उल्लेख केला. आशिया चषक स्पर्धेदरम्यान भारत-पाकिस्तान सामन्यात कोणताही राखीव दिवस नव्हता, मात्र अचानक केवळ एका सामन्यासाठी राखीव दिवस ठेवण्यात आला असल्याचे त्यांनी सांगितले.

इंझमामच्या म्हणण्यानुसार, यापूर्वी तीन मोठे बोर्ड क्रिकेटवर वर्चस्व गाजवत होते. यामध्ये भारतीय क्रिकेट बोर्डासह ऑस्ट्रेलिया आणि इंग्लंड क्रिकेट बोर्डाचीही सत्ता होती. इंझमाम म्हणाला की, आता पूर्वीसारखे राहिले नाही, फक्त भारत क्रिकेटवर नियंत्रण ठेवत आहे. बीसीसीआय एवढी ताकदवान आहे की इतर कोणतेही बोर्ड त्याच्यासमोर काहीही करू शकत नाही.

इंझमाम-उल-हकने यापूर्वी ऑस्ट्रेलियाविरुद्धच्या सामन्यात बॉल टॅम्परिंगचा आरोप केला होता. याच वाहिनीवर त्याने म्हटले होते की, अर्शदीप सिंगसाठी 15व्या षटकात रिव्हर्स स्विंग करणे सोपे नाही. चेंडूशी काही छेडछाड नक्कीच झाली होती. या आरोपाला भारतीय कर्णधार रोहित शर्माने चोख प्रत्युत्तर दिले होते. मोकळ्या मनाने बोलले पाहिजे, असे ते म्हणाले होते. रोहितच्या या उत्तराची पाकिस्तानी मीडियामध्ये खूप चर्चा झाली.