World Selfie Day : कोणी काढला जगातील पहिला सेल्फी? 185 वर्षांचा आहे इतिहास

जागतिक सेल्फी दिनानिमित्त, लोक त्यांचे सेल्फी सोशल मीडियावर शेअर करतात आणि सेल्फी घेऊन सेलिब्रेट करतात. पण तुम्हाला माहित आहे का जगातील पहिला सेल्फी कोणी घेतला? स्मार्टफोनचा ट्रेंड सुरू झाला, तेव्हा सेल्फीची सुरुवात झाली, असे बहुतेकांना वाटते. तर सत्य हे आहे की सेल्फीचा इतिहास यापेक्षा खूप जुना आहे.

सेल्फीचा इतिहास पाहिला, तर याची सुरुवात 19व्या शतकात झाल्याचे दिसून येते. 1839 मध्ये, रॉबर्ट कॉर्नेलियस या अमेरिकन रसायनशास्त्रज्ञाने डॅग्युरिओटाइप नावाच्या नवीन छायाचित्रण तंत्राचा वापर करून जगातील पहिला सेल्फी घेतला. फिलाडेल्फियामध्ये त्याने कॅमेरा सेट केला आणि स्वतःचा फोटो काढण्यासाठी धावत जाऊन कॅमेरा फ्रेमसमोर उभा राहिला. अशा प्रकारे जगाला पहिला ‘सेल्फी’ मिळाला.

“जगाचा पहिला सेल्फी” म्हणून ओळखला जाणारा फोटो अस्पष्ट आणि काळा-पांढरा आहे, परंतु तो एका ऐतिहासिक क्षणाची आठवण करून देणारा आहे. सेल्फीचा ट्रेंड 19 व्या शतकात सुरू झाला, परंतु 21 व्या शतकात स्मार्टफोनच्या प्रवेशाने तो अधिक लोकप्रिय झाला. आज, सेल्फी हा जगभरातील लोकांसाठी स्वतःला व्यक्त करण्याचा आणि त्यांच्या आठवणी शेअर करण्याचा एक लोकप्रिय मार्ग बनला आहे.

सेल्फीच्या इतिहासाची व्याप्ती केवळ पृथ्वीपुरती मर्यादित नाही. सेल्फीने आपल्या प्रवासात मागेही जागा सोडलेली नाही. 1996 मध्ये, अमेरिकन अंतराळवीर डॉ. एडविन ई. ‘बझ’ ऑल्ड्रिन यांनी जेमिनी 12 मोहिमेदरम्यान सेल्फी घेतला. अंतराळात घेतलेला हा पहिला सेल्फी आहे.

एडविन ऑल्ड्रिन ही चंद्रावर जाणारी जगातील दुसरी व्यक्ती आहे. 1969 मध्ये अपोलो 11 मोहिमेदरम्यान नील आर्मस्ट्राँगच्या 19 मिनिटांनंतर चंद्रावर चालणारा आल्ड्रिन हा दुसरा व्यक्ती होता.

आज सेल्फीचा वापर ब्रँड आणि व्यवसायांच्या जाहिराती आणि प्रचारासाठी देखील केला जातो. जगातील पहिला सेल्फी 1839 मध्ये घेण्यात आला होता, पण ‘सेल्फी’ हा शब्द पहिल्यांदा 2002 मध्ये वापरण्यात आला होता.

‘Selfie’ is believed to have first been used by Australian man Nathan Hope, who shared an image of his busted lip in a forum post in 2002.#AustraliaIsHomeForAReason 🙃 pic.twitter.com/Rkd86SeRPr

— HarshVivek Singh (@HVSBanwait) November 25, 2021

2002 मध्ये ऑस्ट्रेलियन ब्रॉडकास्ट कॉर्पोरेशन ऑनलाइन कम्युनिटी फोरमवर नाथन होप नावाच्या ऑस्ट्रेलियन व्यक्तीने ‘सेल्फी’ हा शब्द लिहिला होता. अपघातात होपचे ओठ फुटले आणि त्याने शिवलेल्या ओठाचा सेल्फी शेअर केला.