वानखेडे मैदानावर निकोलस पुरनने आपल्याच शैलीत झंझावाती खेळी खेळून मुंबई इंडियन्सच्या गोलंदाजांना तंबी दिली. लखनौच्या या फलंदाजाने 29 चेंडूत 75 धावा केल्या. पुरनची ही खेळी किती विध्वंसक होती याचा अंदाज पुरनने त्याच्या खेळीत 8 षटकार मारले यावरूनच लावता येतो. पुरनचा स्ट्राईक रेट 258 पेक्षा जास्त होता आणि त्याच्या खेळीच्या जोरावर लखनौचा संघ 20 षटकात 214 धावा करण्यात यशस्वी ठरला.
निकोलस पुरनने एकट्याने लखनौचा संथ डाव सुपरफास्ट केला. पुरन जेव्हा क्रिजवर उतरला, तेव्हा लखनौची धावसंख्या 9.3 षटकात 69 धावा होती. यानंतर पुरनने अशी फलंदाजी केली की सगळे पाहतच राहिले. 13व्या ते 15व्या षटकांदरम्यान पुरनने लखनौचा डाव बुलेट ट्रेनमध्ये बदलला. या कालावधीत या खेळाडूने 12 चेंडूत 6 षटकार ठोकले. त्यापैकी अर्जुन तेंडुलकरच्या चेंडूवर त्याने 2 षटकार ठोकले. पुरनच्या स्फोटक फलंदाजीदरम्यान अर्जुन तेंडुलकर जखमी झाला आणि त्याला मैदान सोडावे लागले. वास्तविक, गोलंदाजी करताना अर्जुनच्या स्नायूंना ताण आला आणि हा खेळाडू सामन्यात केवळ 2.2 षटके टाकू शकला.
Nicky P lighting up Wankhede 🔥💥#TATAIPL #IPLonJioCinema #MIvLSG #IPLinBhojpuri pic.twitter.com/glgILnjLje
— JioCinema (@JioCinema) May 17, 2024
निकोलस पुरनबद्दल सांगायचे तर, या खेळाडूने 19 चेंडूत अर्धशतक झळकावून आणखी एक विशेष टप्पा गाठला. पुरनने तिसऱ्यांदा आयपीएलमध्ये 20 किंवा त्यापेक्षा कमी चेंडूत अर्धशतक झळकावण्याचा पराक्रम केला. त्याच्या आधी जॅक फ्रेझर मॅगेर्क आणि ट्रॅव्हिस हेड यांनी हे काम केले होते. मात्र, त्याच्या या झंझावाती खेळीदरम्यान पुरनला त्याचाच विक्रम मोडता आला नाही. लखनौसाठी पुरनने सर्वात वेगवान अर्धशतक झळकावले आहे. गेल्या वर्षी त्याने आरसीबीविरुद्ध 15 चेंडूत अर्धशतक केले होते. यावेळी त्याने आणखी चार चेंडू जास्त घेतले.