EPFO आपले नियम सतत बदलत असते. जेणेकरुन ईपीएफओशी संबंधित सदस्यांसाठी ते सोपे होईल. ईपीएफओ आपले नियमही सातत्याने सुलभ करत आहे. अलीकडे संस्थेने आपले नियम बदलले आहेत. ज्या अंतर्गत सदस्यांच्या खात्यात तीन दिवसांत एक लाख रुपये जमा होतील. वास्तविक हे नियम अॅडव्हान्सबाबत आहेत. सदस्यांना कठीण काळात हे अॅडव्हान्स घेता येईल किंवा तुम्ही तुमच्या मुलांच्या किंवा भावाच्या, बहिणीच्या लग्नासाठी, घर खरेदीसाठी किंवा दुरुस्तीच्या कामासाठी EPF मधून अॅडव्हान्स पैसे काढू शकता. विशेष म्हणजे ईपीएफने या ॲडव्हान्सची मर्यादा दुप्पट केली आहे. हे संपूर्ण प्रकरण काय आहे? तेही जाणून घेऊया, तसेच यातून सर्वसामान्य सभासदांना कोणता फायदा मिळू शकेल?
वास्तविक EPFO ने ऑटो-मोड सेटलमेंट मोड आणला आहे. ज्या अंतर्गत EPF सदस्य आपत्कालीन परिस्थितीत त्यांच्या EPF खात्यातून लवकरात लवकर पैसे काढू शकतात. आजारपण, शिक्षण, लग्न आणि घर खरेदी इत्यादी आपत्कालीन प्रसंगी EPFO सदस्यांना त्यांच्या खात्यातून अॅडव्हान्स पैसे काढण्याची सुविधा प्रदान करते. तथापि, दावा सेटलमेंटसाठी ऑटो मोड एप्रिल 2020 मध्येच सुरू झाला. त्यावेळी ही सुविधा फक्त अशाच सदस्यांना उपलब्ध होती, जे आजारपणासाठी पैसे काढण्यासाठी अर्ज करत होते. आता तुम्ही वर नमूद केलेल्या सर्व आपत्कालीन परिस्थितीत हा मोड वापरू शकता. याचा वापर करून तुमचे पैसे फक्त 3 दिवसात तुमच्या खात्यात येतील.
इतकेच नाही, तर ईपीएफओने आगाऊ रक्कमेची मर्यादाही वाढवली आहे. ही रक्कम ईपीएफओने दुप्पट केली आहे. यापूर्वी ही मर्यादा फक्त 50 हजार रुपये होती. जी आता एक लाख रुपये करण्यात आली आहे. विशेष बाब म्हणजे ही आगाऊ रक्कम काढण्यासाठी फक्त ऑटो सेटलमेंट मोड पुरेसा असेल. सदस्यांना कोणत्याही EPF अधिकाऱ्याला भेटण्याची गरज नाही. त्यानंतर 3 ते 4 दिवसात सदस्याच्या खात्यात पैसे जमा होतील.
अॅडव्हान्ससाठी कसा करायचा अर्ज
- सर्व प्रथम, EPFO पोर्टलवर जा आणि UAN आणि पासवर्डद्वारे लॉग इन करा.
- लॉग इन केल्यानंतर, तुम्हाला ‘ऑनलाइन सेवा’ वर जावे लागेल. त्यानंतर दावा विभाग निवडावा लागेल.
- त्यानंतर तुम्हाला तुमचे बँक खाते सत्यापित करावे लागेल. ज्या बँक खात्यात अॅडव्हान्स पैसे हवे आहेत.
- तुम्हाला तुमच्या बँक खात्याच्या चेकची स्कॅन केलेली प्रत किंवा पासबुकची स्कॅन केलेली प्रत अपलोड करावी लागेल.
- त्यानंतर तुम्हाला अॅडव्हान्स पैसे कशासाठी हवे आहेत याची माहिती द्यावी लागेल. ज्यामध्ये तुम्ही आजार आणि शिक्षण, स्वतःचे लग्न, मुलगी, मुलगा किंवा भाऊ इत्यादींसोबत कोणताही पर्याय निवडू शकता.
- त्यानंतर तुम्हाला आधार आधारित ओटीपी जनरेट करावा लागेल. त्यानंतर सबमिट बटण दाबावे लागेल.