14 वर्षांनंतर अक्षय कुमार आणि प्रियदर्शन ही जोडी पुन्हा एकत्र काम करणार आहे. जेव्हा-जेव्हा ही अभिनेता-दिग्दर्शक जोडी मोठ्या पडद्यावर एकत्र येते, तेव्हा खळबळ माजते. दोघांनी हेरा फेरी, भागम भाग, गरम मसाला आणि भुलभूलैया यांसारख्या चित्रपटात एकत्र काम केले आहे. आता पुन्हा एकदा प्रदीर्घ ब्रेकनंतर अक्षय आणि प्रियदर्शन एकत्र प्रोजेक्टवर काम करणार असल्याची चर्चा आहे. मात्र, यावेळी या दोघांसोबत एकता कपूरच्या नावाचाही नव्या प्रोजेक्टमध्ये समावेश आहे.
मिळालेल्या माहितीनुसार, एकता कपूर या चित्रपटाची निर्मिती करणार असून प्रियदर्शन लवकरच या चित्रपटावर काम सुरू करणार आहे. असा विश्वास आहे की हा चित्रपट भारतातील सर्वात जुन्या अंधश्रद्धेवर – काळ्या जादूवर आधारित असणार आहे. एचटी सिटीला दिलेल्या मुलाखतीदरम्यान, प्रियदर्शनने खुलासा केला की त्याने नुकतेच राम मंदिराच्या इतिहासावर आधारित त्याच्या डॉक्युमेंट-सीरीजचे काम पूर्ण केले आहे.
प्रियदर्शनने अक्षयसोबतच्या त्याच्या पुढील चित्रपटाबाबत एक विधान केले की, माझा सर्वात महत्त्वाचा चित्रपट ज्यावर मी काम सुरू करत आहे, तो म्हणजे अक्षयसोबत एकता कपूर निर्मित चित्रपट. हा कॉमेडी मिसळलेला एक भयपट कल्पना आहे. पुढे त्याला विचारण्यात आले की या चित्रपटाचा भूल भुलैयाशी काही संबंध आहे का? प्रत्युत्तरात प्रियदर्शन म्हणाला, “तो एक सायकॉलॉजिकल थ्रिलर चित्रपट होता, पण हा चित्रपट भारतातील सर्वात जुन्या अंधश्रद्धेच्या, जादूच्या पार्श्वभूमीवर तो काल्पनिक असेल.”
अक्षय कुमारसोबत पुन्हा काम केल्याबद्दल दिग्दर्शक प्रियदर्शनने आनंद व्यक्त केला. तो म्हणाला की अक्षयसोबत काम करणे नेहमीच आनंददायी आहे आणि त्याच्या पहिल्या चित्रपटापासून आतापर्यंत त्याच्यासोबत गोष्टी चांगल्या आहेत. दिग्दर्शकाच्या मते अक्षयला भावना चांगल्या प्रकारे समजतात.