आयपीएल 2024 च्या 33 व्या सामन्यात पंजाब किंग्जचा युवा फलंदाज आशुतोष शर्माने आपल्या पॉवरहिटिंगने सर्वांची मने जिंकली. आपला पहिला हंगाम खेळणाऱ्या आशुतोष शर्माने मुंबई इंडियन्सच्या गोलंदाजांना अशा वेळी झोडपून काढले, जेव्हा संघ सहज जिंकेल असे वाटत होते. आशुतोष शर्मा 8व्या क्रमांकावर फलंदाजीला आला आणि या उजव्या हाताच्या फलंदाजाने आपल्या फलंदाजीने मुंबई कॅम्पमध्ये दहशत निर्माण केली. आशुतोष शर्माने केवळ 23 चेंडूत अर्धशतक झळकावले आणि या खेळाडूने 28 चेंडूत 61 धावा केल्या आणि त्याच्या बॅटमधून 7 षटकार आले.

आशुतोष शर्मा नेहमीप्रमाणे क्रीझवर आला आणि त्याने मुंबईच्या प्रत्येक गोलंदाजाला झोडपून काढले. 10व्या षटकात जितेश शर्मा बाद झाल्यानंतर आशुतोष शर्मा क्रीजवर आला. या खेळाडूने त्याच्या दुसऱ्याच चेंडूवर आकाश मधवालच्या चेंडूवर फाइन लेगमध्ये षटकार ठोकला. यानंतर आशुतोषने प्रत्येक षटकात एक षटकार किंवा चौकार मारला. त्याचा दुसरा षटकार शेफर्डच्या चेंडूवर लागला. यानंतर या खेळाडूने मुंबईचा कर्णधार हार्दिक पांड्याच्या चेंडूवर षटकार ठोकला. 13व्या षटकात बुमराह तिसरे षटक टाकायला आला आणि आशुतोष शर्माने त्याच्या चेंडूवर षटकार ठोकला.

आशुतोष येथेच थांबला नाही, त्याने पुढच्या षटकात शेफर्डच्या चेंडूवर अजून एक षटकार मारला. 16व्या षटकात आशुतोषने आकाश मधवालच्या दोन चेंडूंवर षटकार खेचून सामना रोमांचक केला. आशुतोषने अवघ्या 22 चेंडूत आपले अर्धशतक पूर्ण केले. मात्र, या खेळाडूने 18व्या षटकात आपली विकेट गमावली. पण आशुतोषने आपल्या फटकेबाजीने सर्वांची मने जिंकली.

आशुतोषला पंजाब किंग्सने केवळ 20 लाख रुपयांच्या मूळ किंमतीत खरेदी केले आहे. आशुतोषचा हा पहिलाच आयपीएल हंगाम आहे. हा खेळाडू रेल्वेकडून प्रथम श्रेणी क्रिकेट खेळतो आणि गेल्या वर्षी त्याने युवराज सिंगचा विक्रम मोडला. आशुतोषने केवळ 11 चेंडूत अर्धशतक झळकावले, त्यानंतर त्याचे नाव प्रसिद्ध झाले. आता आयपीएलमध्येही हा खेळाडू आपल्या तुफानी फटकेबाजीमुळे नाव कमावत आहे. या हंगामात आशुतोषने 13 षटकारांच्या जोरावर 156 धावा केल्या आहेत, त्याचा स्ट्राइक रेटही 200 पेक्षा जास्त आहे. या खेळाडूमध्ये खूप टॅलेंट आहे आणि आशुतोष असाच खेळत राहिला, तर लवकरच हा खेळाडू टीम इंडियामध्ये दिसेल.