सूर्यकुमार यादवचा आयपीएल 2024 मधील प्रवास काहीसा विचित्र आहे. सूर्यकुमार यादव एकतर शून्यावर बाद होत आहे किंवा तो झंझावाती अर्धशतक झळकावत आहे. या स्पर्धेत खेळल्या गेलेल्या 4 पैकी 2 सामन्यात 0 धावांवर बाद झालेल्या सूर्यकुमार यादवने 2 अर्धशतकेही झळकावली आहेत. पंजाब किंग्जविरुद्ध त्याचे दुसरे अर्धशतक झळकले. सूर्यकुमार यादवने 53 चेंडूत 78 धावा केल्या. सूर्याने आपल्या खेळीत 7 चौकार आणि 3 षटकार मारले. विशेष म्हणजे सूर्यकुमार यादवने अर्धशतक झळकावले, पण चेंडूंमुळे त्याने विशेष स्थान मिळवले.
सूर्यकुमार यादवने पंजाबविरुद्ध 53 चेंडू खेळले होते. तुम्हाला हे जाणून आश्चर्य वाटेल की त्याच्या आयपीएल कारकिर्दीत केवळ दुसऱ्यांदा त्याने 50 पेक्षा जास्त चेंडू खेळले आहेत. सूर्यकुमार यादवने 2019 साली चेन्नईविरुद्ध 54 चेंडूंचा सामना केला होता आणि आता तो पंजाबविरुद्ध पन्नासहून अधिक चेंडू खेळला आहे. सूर्यकुमार यादवचा हा 143वा आयपीएल सामना होता आणि त्याने केवळ दोनदा 50 पेक्षा जास्त चेंडू खेळले, जे खरोखरच आश्चर्यकारक आहे.
SKY's trademark maximum from one end..
..Tilak Varma's muscular six from the other 🔥
Watch the match LIVE on @JioCinema and @StarSportsIndia 💻📱#TATAIPL | #PBKSvMI pic.twitter.com/TetHORFPO6
— IndianPremierLeague (@IPL) April 18, 2024
मुंबई इंडियन्सची सुरुवात चांगली झाली नाही. इशान किशन लवकर बाद झाला आणि यानंतर रोहित शर्माला सूर्यकुमार यादवने साथ दिली. या उजव्या हाताच्या फलंदाजाने क्रीझवर आल्यानंतर स्थिरावण्यास थोडा वेळ घेतला आणि त्यानंतर सूर्याने आपल्या शैलीत शॉट्स खेळले. रबाडाच्या चेंडूंवर सूर्यकुमार यादवने अप्रतिम षटकार ठोकले. या खेळाडूने 34 चेंडूत आपले अर्धशतक पूर्ण केले. हे उत्कृष्ट अर्धशतक असले, तरी सूर्यकुमार यादवच्या पातळीनुसार हे त्याच्यासाठी संथ अर्धशतक होते. अर्धशतक झळकावूनही सूर्यकुमार यादव क्रीजवर अडकला होता, पण 17व्या षटकात प्रभासिमरनने सॅम कुरनच्या चेंडूवर उत्कृष्ट झेल घेतला आणि सूर्याला पॅव्हेलियनमध्ये परतावे लागले. मात्र, या खेळीच्या जोरावर मुंबई इंडियन्सने 192 धावांपर्यंत मजल मारली.