लोकसभा निवडणूक 2024 लवकरच सुरू होणार आहे. एकूण सात टप्प्यात मतदान होणार आहे. पहिला टप्पा 19 एप्रिलला आणि शेवटचा टप्पा 1 जूनला आहे. त्यानंतर 4 जूनला निकाल जाहीर होणार आहे. आता मतदानाचा मुद्दा येतो, ज्यासाठी मतदार यादीत आपले नाव समाविष्ट करणे आवश्यक आहे. जर तुम्ही पहिल्यांदा मतदान करणार असाल आणि नुकताच मतदार ओळखपत्रासाठी अर्ज केला असेल किंवा नवीन ठिकाणाहून मतदार ओळखपत्र बनवले असेल, तर मतदान करण्यापूर्वी मतदार यादीतील तुमचे नाव नक्कीच तपासा.
Lok Sabha Elections 2024 : मतदार यादीत तुमचे नाव आहे की नाही? तपासा अशा प्रकारे
तुमचे नाव मतदार यादीत आहे की नाही, हे जाणून घेण्यासाठी तुम्हाला भटकण्याची गरज नाही. ही माहिती तुम्ही ऑनलाइन किंवा एसएमएसद्वारेही मिळवू शकता. एक हेल्पलाइन क्रमांकही आहे. म्हणजेच तुम्ही मतदार यादीतील तुमचे नाव एकूण तीन प्रकारे तपासू शकता. मतदार यादीत तुमचे नाव कसे तपासायचे ते जाणून घ्या.
राष्ट्रीय मतदार सेवा पोर्टल
तुम्ही नॅशनल व्होटर्स सर्व्हिस पोर्टलद्वारे ऑनलाइन मतदार यादीतील नाव शोधू शकता. यासाठी खाली दिलेल्या स्टेप्स फॉलो करा…
- राष्ट्रीय मतदार सेवा पोर्टल (NVSP) च्या अधिकृत वेबसाइटवर जा.
- वेबसाइट उघडल्यावर, उजव्या कोपऱ्यात वरच्या बाजूला इंग्रजी किंवा हिंदीमधून तुमची भाषा निवडा.
- आता मतदार यादीत शोधा वर क्लिक करा.
- तुम्हाला 3 पर्याय दिसतील – EPIC द्वारे शोधा, तपशीलांनुसार शोधा, मोबाइलद्वारे शोधा.
- यापैकी कोणत्याही एकावर जा, तुमचा तपशील भरा, कॅप्चा टाका आणि तुम्हाला मतदार यादीचा तपशील मिळेल.
एसएमएसद्वारे तपासा मतदार यादीतील नाव
एसएमएसच्या मदतीने मतदार यादीत नाव पाहता येईल. यासाठी, तुम्हाला नोंदणी क्रमांकाची आवश्यकता असेल, जो तुम्हाला मतदार ओळखपत्रासाठी अर्ज करताना मिळाला असेल. यासाठी 10 अंकी EPIC क्रमांक आवश्यक असेल. तुम्हाला EPIC Voter ID क्रमांक टाइप करून 1950 वर एसएमएस पाठवावा लागेल.
मतदार यादीसाठी हेल्पलाइन नंबर
मतदार यादीतील नाव पाहण्यासाठी निवडणूक आयोगाच्या टोल फ्री क्रमांकावर डायल करूनही माहिती मिळू शकते. यासाठी 1950 हा नंबर डायल करा. यानंतर, IVR (इंटरएक्टिव्ह व्हॉइस रिस्पॉन्स) ऐका आणि सूचनांचे पालन करा. तुम्ही तुमच्या आवडीनुसार भाषा निवडा आणि पुढील पायऱ्या पूर्ण करा. तुम्हाला संदर्भ क्रमांक टाकावा लागेल, त्यानंतर तुमचे नाव मतदार यादीत आहे की नाही हे कळेल.
कोठे बनवले जाते मतदार ओळखपत्र ?
भारतातील सर्व नागरिक ज्यांचे वय 18 वर्षे किंवा त्याहून अधिक आहे किंवा जे येत्या काही दिवसांत 18 वर्षांचे होणार आहेत, ते मतदार ओळखपत्रासाठी अर्ज करू शकतात. निवडणूक आयोगाकडे अर्ज करून तुम्ही तुमचे मतदार ओळखपत्र बनवू शकता. मतदार ओळखपत्र हे प्रत्येक नागरिकासाठी महत्त्वाचे दस्तऐवज आहे. यासाठी ऑनलाइन आणि ऑफलाइन अशा दोन्ही पद्धतीने अर्ज करता येईल.