महिला प्रीमियर लीग 2024 च्या 10व्या सामन्यात दिल्ली कॅपिटल्सने 25 धावांनी विजय मिळवला. बेंगळुरू येथे झालेल्या सामन्यात दिल्ली कॅपिटल्सने प्रथम फलंदाजी करताना 163 धावा केल्या, प्रत्युत्तरात गुजरात जायंट्स संघ 8 गड्यांच्या मोबदल्यात 138 धावाच करू शकला. दिल्लीच्या गोलंदाजांनी विजयात महत्त्वाची भूमिका बजावली. जेस जॉन्सन आणि राधा यादव यांनी अप्रतिम गोलंदाजी करत 3-3 बळी घेतले. विशेषत: राधा यादवने अतिशय किफायतशीर गोलंदाजी करत 4 षटकात केवळ 20 धावा दिल्या आणि 3 फलंदाजांना तिचा बळी बनवले. मात्र, सामन्यानंतर या गोलंदाजाबाबत एक रोचक खुलासा झाला. हा खुलासा विराट कोहलीबाबत होता.
सामना संपल्यानंतर दिल्ली कॅपिटल्सची खेळाडू जेमिमाह रॉड्रिग्स राधा यादवशी बोलली. या संवादादरम्यान राधा यादव प्रत्येक सामन्यापूर्वी विराट कोहलीचे व्हिडिओ पाहत असल्याचे समोर आले. राधा विराट कोहलीचे आक्रमक व्हिडिओ पाहते आणि त्यानंतर ती मॅचमध्ये तिची सर्वोत्तम कामगिरी देते.
What's the story behind pre-match routines of watching @imVkohli videos 🤔
Purple Cap holder Radha Yadav tells Jemimah Rodrigues 😃👌 – By @RajalArora
Full Interview 🎥🔽 #TATAWPL | #GGvDC | @Radhay_21 | @JemiRodrigues https://t.co/lIy3zr93AG pic.twitter.com/rn2746JRV4
— Women's Premier League (WPL) (@wplt20) March 4, 2024
राधा यादवने अवघ्या 19 चेंडूत सामन्याची स्थिती आणि दिशा बदलली. या खेळाडूने गुजरातची मधली फळी उद्ध्वस्त केली. राधाने सर्वप्रथम वेदा कृष्णमूर्तीची महत्त्वाची विकेट घेतली. यानंतर तिने कॅथरीन ब्राइसची विकेट घेतली. यानंतर तिचा तिसरा बळी ठरली तनुजा कंवर. तिने 19 चेंडूत हे तीन विकेट घेतल्या आणि त्यानंतर गुजरात संघाला पुनरागमन करता आले नाही.
मात्र, महिला प्रीमियर लीगच्या या मोसमात दिल्ली कॅपिटल्सची कामगिरी उत्कृष्ट राहिली आहे. या स्पर्धेत दिल्लीचा संघ 4 पैकी 3 सामने जिंकून अव्वल स्थानावर आहे. या संघाचे 6 गुण आहेत आणि त्याचा निव्वळ धावगती +1.251 आहे. मुंबई इंडियन्स संघाने देखील 4 पैकी 3 सामने जिंकले आहेत, परंतु नेट रन रेट किंचित कमी असल्याने ते दुसऱ्या स्थानावर आहेत. यूपी वॉरियर्स संघ तिसऱ्या स्थानावर, रॉयल चॅलेंजर्स बंगळुरू चौथ्या स्थानावर आणि गुजरात जायंट्स संघ पाचव्या स्थानावर आहे.