22 जानेवारीला प्रसिद्ध होणार राम मंदिर असलेली 500 रुपयांची नोट, काय आहे व्हायरल फोटोचे सत्य?

देश, सर्वात लोकप्रिय / By / ५०० रु.नोट, अयोध्या राममंदिर, फेक न्यूज /


22 जानेवारीला अयोध्येत रामलल्ला यांचा अभिषेक होणार आहे. याबाबत देशभरात जल्लोषाचे वातावरण आहे. मात्र या सोहळ्यापूर्वी अयोध्या आणि राम मंदिरासंदर्भातील सर्व प्रकारच्या पोस्ट इंटरनेटवर व्हायरल होत आहेत. त्यातील अनेक खोटे सिद्ध होत आहेत. आता 500 रुपयांच्या नोटेचे चित्र समोर आले आहे, ज्याबद्दल असा दावा केला जात आहे की नवीन सीरीजची ही नोट 22 जानेवारीला रिलीज होणार आहे. यामध्ये महात्मा गांधींऐवजी प्रभू राम दिसत आहेत. या फोटोचे सत्य काय आहे ते जाणून घेऊया.


काय आहे दावा: मायक्रो ब्लॉगिंग साइटवर व्हायरल झालेल्या 500 रुपयांच्या नव्या नोटेचे कथित चित्र शेअर करून, X वापरकर्ते दावा करत आहेत की ही नोट 22 जानेवारीला राम मंदिराच्या उद्घाटनानिमित्त जारी केली जाईल.


दावा खोटा निघाला: पण TV9 च्या फॅक्टचेकला तो चुकीचा आढळला. प्रभू रामाच्या चित्रासह 500 रुपयांच्या नोटेचे व्हायरल होत असलेले छायाचित्र पूर्णपणे बनावट आहे. व्हायरल फोटो पाहिल्यावर तुम्हाला @raghunmurthy07 नावाचे X खाते दिसेल.

आम्हाला X वापरकर्त्याचे मूळ ट्विट देखील सापडले, ज्याचे फोटो लोक आता त्यांच्या खात्यांवर पुन्हा पुन्हा शेअर करत आहेत. मात्र, जेव्हा युजरला हे प्रकरण वाढल्याचे दिसले, तेव्हा त्याने एकामागून एक ट्विट करत हे चित्र आपण स्वत: एडिट केले होते, मात्र लोक चुकीचे संदेश देऊन ते शेअर करत असल्याचे स्पष्ट केले.

यावरून एक गोष्ट स्पष्ट झाली आहे की 22 जानेवारीला अशी कोणतीही नवीन नोट जारी होणार नाही. कारण, ज्याने ती बनवली आहे, त्याने स्वतः येऊन खुलासा केला आहे. त्यामुळे वेबकफ होऊ नका. कोणतीही माहिती शेअर करण्यापूर्वी ती काळजीपूर्वक तपासा.