वर्ल्ड कप 2023 चा अंतिम सामना 19 नोव्हेंबर रोजी अहमदाबादच्या नरेंद्र मोदी स्टेडियमवर खेळवला जाईल. भारत आणि ऑस्ट्रेलिया यांच्यात होणाऱ्या या सामन्याची लोकांमध्ये प्रचंड क्रेझ आहे. यावेळी भारताने विश्वचषक जिंकावा, ही प्रत्येक भारतीयाच्या मनाची इच्छा आहे. बरं, कोण जिंकणार आणि कोण हरणार हे सामन्यानंतरच कळेल, पण त्याआधी सोशल मीडियावर विविध प्रकारचे व्हिडिओ आणि पोस्ट नक्कीच व्हायरल होऊ लागल्या आहेत. सध्या अशाच एका पोस्टने सोशल मीडिया प्लॅटफॉर्म ट्विटरवर खळबळ उडवून दिली आहे.
खरं तर, एका व्यक्तीने हेलिकॉप्टरने फायनल मॅच पाहायला जाण्याची ऑफर देताच, त्याची पोस्ट काही वेळातच व्हायरल झाली. त्या व्यक्तीने आपल्या पोस्टमध्ये लिहिले आहे की, जर कोणाला वर्ल्ड कप फायनल पाहण्यासाठी हेलिकॉप्टरने जायचे असेल, तर तो आमच्यासोबत येऊ शकतो. मी दोन लोक शोधत आहे. आम्ही शनिवारी बीएलआर विमानतळावरून अहमदाबादला जाणार आहोत. मग तिथेच नाश्ता करून, मॅच बघून आम्ही परत घरी जाऊ. मात्र, पोस्टच्या शेवटी त्या व्यक्तीने असे काही लिहिले आहे, ते वाचून कोणालाही हसायला येईल. तुम्हाला मॅच पाहायला जायची इच्छा असेल, तर मेसेज करा, पण तुमच्याकडे हेलिकॉप्टर आणि मॅचचे तिकीट असलेच पाहिजे, नाहीतर आम्ही कसे जाणार’ असे लिहिले आहे.
Anyone interested in going to the World Cup final in a helicopter, I'm looking for 2 people to join us. Leave Sat from Blr airport, fly to Ahmedabad, have breakfast watch the match then fly home.
DM if interested, pref someone with a helicopter and tickets, otherwise we can't go
— Ayush Pranav (@ayushpranav3) November 17, 2023
@ayushpranav3 या आयडीने ट्विटरवर शेअर केलेली ही मजेशीर पोस्ट आतापर्यंत 3 लाखांहून अधिक वेळा पाहिली गेली आहे, तर हजारो लोकांनी पोस्टला लाईक केले आहे आणि विविध मजेदार प्रतिक्रिया दिल्या आहेत.
या पोस्टचा खरपूस समाचार घेत एका यूजरने लिहिले, ‘मी हेलिकॉप्टर आणि तिकिटांची व्यवस्था करू शकतो, तुम्ही स्टेडियममध्ये पार्किंगची व्यवस्था करू शकता का?’, तर दुसऱ्या यूजरने लिहिले की, ‘सगळे ठीक होते, पण पोस्टच्या शेवटी तुम्ही भावाची फसवणूक केली.