भारतीय संघाच्या गोलंदाजांनी पुन्हा एकदा शानदार खेळ दाखवला आहे. रविवारी कोलकाता येथील ईडन गार्डन्स स्टेडियमवर टीम इंडिया दक्षिण आफ्रिकेविरुद्ध आली आणि भारतीय गोलंदाजांनी धुमाकूळ घातला. आतापर्यंत टीम इंडियाचे गोलंदाज फलंदाजांसाठी अडचणीचे ठरले होते, मात्र या सामन्यात भारतीय फिरकीपटूंनी दमदार कामगिरी दाखवत दक्षिण आफ्रिकेचा पराभव केला. भारताचा डावखुरा फिरकीपटू रवींद्र जडेजा याला खेळणे दक्षिण आफ्रिकेच्या फलंदाजांना खूप कठीण जात होते. जडेजा जबरदस्त फॉर्ममध्ये दिसत होता आणि त्याच दरम्यान तो यष्टीरक्षक केएल राहुलवर एका रिव्ह्यूवर संतापला.
या सामन्यात प्रथम फलंदाजी करताना भारताने 50 षटकात 5 गडी गमावून 326 धावा केल्या. या सामन्यात विराट कोहलीने शानदार शतक झळकावले. त्याच्या वाढदिवसानिमित्त त्याने 101 धावांची नाबाद खेळी खेळली आणि सचिन तेंडुलकरच्या 49 वनडे शतकांची बरोबरी केली.
या सामन्यात रोहितने जडेजाला लवकर गोलंदाजी करायला लावले. मोहम्मद सिराज आणि मोहम्मद शमी यांनी मिळून दक्षिण आफ्रिकेचे तीन बळी घेतले. जडेजा 13 वे षटक टाकायला आला होता. या षटकाच्या पाचव्या चेंडूवर हेन्रिक क्लासेन स्ट्राइकवर होता. जडेजाने टाकलेला चेंडू क्लासेनच्या पॅडला लागला आणि टीम इंडियाने अपील केले. अंपायरने आऊट दिले नाही. जडेजाला खात्री होती की तो आऊट आहे आणि म्हणून त्याने रोहितला रिव्ह्यू घेण्यास सांगितले, पण राहुल म्हणाला की चेंडू रेषेच्या बाहेर होता आणि म्हणून तो रिव्ह्यू घेण्यास सुचवत नव्हता. पण जडेजा ठाम होता आणि यावरून राहुल आणि जडेजामध्ये थोडा वाद झाला ज्यामध्ये जडेजा राहुलवर चिडला. यावेळी रोहित शर्मा या दोघांना पाहत राहिला आणि त्यानंतर त्याने जडेजाचा सल्ला मान्य करत रिव्ह्यू घेतला. क्लासेनला रिव्ह्यूमध्ये आऊट असल्याचे स्पष्ट झाले.
Rohit Sharma saab 😂😂😂#INDvSAhttps://t.co/VWgdoHQDi4
— Sunil the Cricketer (@1sInto2s) November 5, 2023
या सामन्यात भारतीय फलंदाजांनी धुमाकूळ घातला. या सामन्यात रोहितने नाणेफेक जिंकून प्रथम फलंदाजी करण्याचा निर्णय घेतला. रोहित आणि शुभमन गिलने संघाला वेगवान सुरुवात करून दिली. रोहित 24चेंडूत 40धावा करून बाद झाला. यानंतर गिलही बाद झाला. त्यानंतर कोहली आणि श्रेयस अय्यरने तुफानी खेळी खेळली. दोघांनी तिसऱ्या विकेटसाठी 134 धावांची भागीदारी केली. अय्यर 87 चेंडूंत सात चौकार आणि दोन षटकार मारून बाद झाला. 121 चेंडूत 10 चौकारांच्या मदतीने नाबाद 101 धावा करण्यात कोहलीला यश आले.