व्हेजसोबतच जगात नॉनव्हेज खाणाऱ्यांची संख्याही मोठी आहे. मात्र, असे काही लोक आहेत, जे नॉनव्हेज असल्याच्या नावाखाली फक्त अंडी खातात आणि चिकन किंवा मटण खात नाहीत. कदाचित तुम्हालाही अंडी खायला आवडतात, पण साधारणपणे एखादी व्यक्ती दिवसातून फक्त 2-3 अंडी खातात, पण जीम करणारे लोक 6-7 अंडी खातात. जर तुम्ही जिमला जात असाल, तर कदाचित तुम्हीही इतकी अंडी खाऊ शकता, पण जर तुम्हाला एकाच वेळी 20-30 अंडी खाण्यास सांगितले, तर तुम्ही ते करू शकाल का? होय, असेच एक चॅलेंज सध्या सोशल मीडियावर व्हायरल होत आहे, ज्याबद्दल लोकांना धक्का बसला आहे.
वास्तविक, एका दुकानदाराने लोकांना 31 अंड्यांपासून बनवलेले ऑम्लेट खाण्याचे आव्हान दिले आहे आणि हे चॅलेंज जो कोणी पूर्ण करेल, म्हणजेच 31 अंड्यांपासून बनवलेले ऑम्लेट खाईल, त्याला 1 लाख रुपये बक्षीस म्हणून दिले जातील. हे अनोखे चॅलेंज देणाऱ्या दुकानदाराचे नाव राजीव असून त्याचे दुकान दिल्लीत असल्याचा दावा केला जात आहे.
व्हिडिओमध्ये तुम्ही पाहू शकता की दुकानदाराने एका भांड्यात 31 अंडी कशी फोडली आणि मग ऑम्लेट बनवायला सुरुवात केली. आधी त्याने कढईत भरपूर बटर टाकले आणि नंतर कांदा, मिरची आणि टोमॅटो टाकले. मग त्याने त्यात एकूण 31 अंडी टाकली आणि त्यावर ब्रेड टाकून ती चांगली शिजवली. याशिवाय अनेक गोष्टी ऑम्लेटमध्ये मिसळून, जो कोणी ते खाईल, त्याला एक लाख रुपयांचे बक्षीस दिले जाईल, असे आव्हानही त्यांनी दिले.
हा व्हिडिओ सोशल मीडियावर व्हायरल होत आहे. इन्स्टाग्रामवर तो food_founder_ नावाच्या आयडीवरून शेअर करण्यात आला आहे, ज्याला आतापर्यंत 4 लाख 80 हजारांहून अधिक वेळा पाहण्यात आले आहे, तर 15 हजारांहून अधिक लोकांनी या व्हिडिओला लाईक देखील केले आहे.
सोबतच, व्हिडिओ पाहिल्यानंतर लोकांनी विविध मजेशीर कमेंट्सही केल्या आहेत. एका यूजरने ‘हे ऑम्लेट खा आणि थेट डॉक्टरकडे जा’ असे लिहिले आहे, तर दुसऱ्या युजरनेही असेच लिहिले आहे की, ‘हे खाल्ल्यानंतर तुम्हाला 1 लाख रुपयांमध्ये हॉस्पिटलमध्ये उपचारही मिळणार नाहीत’.