PCOS Disease : जर तुम्हाला वेळेवर येत नसेल मासिक पाळी, तर फॉलो करा हा डाएट, तुम्हाला होतील अनेक फायदे

आता PCOS बाबत एक नवीन संशोधन समोर आले आहे. ज्यामध्ये असे म्हटले आहे की कीटो डाएट घेतल्यास पीसीओएसची लक्षणे नियंत्रित केली जाऊ शकतात आणि हा रोग टाळता येऊ शकतो. मलेशियाच्या आरोग्य मंत्रालयाने केलेल्या अभ्यासात असे दिसून आले आहे की 45 दिवस कीटो डाएटचे पालन केल्याने महिलांच्या शरीरातील हार्मोनल असंतुलनाची समस्या नियंत्रणात येते. त्यामुळे PCOS आजार होण्याची शक्यता कमी असते. कीटो डाएटमध्ये कमी कार्बोहायड्रेट, जास्त फॅटयुक्त आहार घेतला जातो.

जर्नल ऑफ एंडोक्राइनमध्ये प्रकाशित झालेल्या संशोधनात असे म्हटले आहे की कीटो डाएटचे पालन केल्याने महिलांची प्रजनन क्षमता देखील सुधारली आहे. यासोबतच हार्मोन्समधील गडबडही नियंत्रणात येते. यामुळे PCOS होण्याची शक्यता कमी होते.

या संशोधनात 170 महिलांचा समावेश करण्यात आला होता. त्याला कीटो आहार देण्यात आला. म्हणजेच महिलांना कर्बोदके कमी असलेले अन्न देण्यात आले. हा आहार घेणाऱ्या महिलांमध्ये वेळेवर मासिक पाळी न येण्याची समस्या बऱ्याच प्रमाणात कमी झाली. यासोबतच लठ्ठपणाही आटोक्यात आला. महिलांमध्ये पुरुष हार्मोनची (टेस्टोस्टेरॉन) पातळी नियंत्रणात असल्याचे दिसून आले.

संशोधन लेखिका कर्निझा खालिद यांनी सांगितले की केटोजेनिक आहार आणि पीसीओएस असलेल्या महिलांमध्ये प्रजनन संप्रेरक पातळीत सुधारणा यांच्यात एक संबंध आढळला आहे. संशोधनाने सिद्ध केले आहे की केटो आहार पीसीओएस रोगाची लक्षणे कमी करण्यास मदत करतो. या आहाराने वजन नियंत्रणात राहते. कीटो आहारामुळे शरीरातील चयापचय क्रियाही योग्य राहते. हार्मोन्स देखील संतुलित राहतात.

कीटो आहारात असतात हे पदार्थ

• मटण. मासे
• चीज
• सुका मेवा
• हिरव्या भाज्या
• फळ