जगात असे अनेक लोक आहेत जे स्वतःला धाडसी समजतात आणि आपले धाडस दाखवण्यासाठी कोणत्याही थराला जायला तयार असतात. उंच टेकड्यांवरून खाली अथांग डोहात उडी मारतात, तर काहीजण असे आहेत की जे समुद्राखाली खोल बुडी मारायला लागतात. बरं, हे धोकादायक खेळ आहेत, परंतु जर तुम्हाला उंच टेकड्यांमध्ये दोरीवर लटकून जेवायला सांगितले, तर तुम्ही ते करू शकाल का? कदाचित तुमचे उत्तर ‘नाही’ असे असेल, परंतु आजकाल असाच एक व्हिडिओ सोशल मीडियावर व्हायरल होत आहे, ज्यामध्ये एक जोडपे अशा धोकादायक ठिकाणी जेवण करताना दिसत आहे.
व्हिडिओमध्ये तुम्ही पाहू शकता की हे जोडपे एका खोल दरीत दोन टेकड्यांमध्ये कसे अडकले आहे आणि टेबलवर बसून जेवणाचा आनंद घेत आहे. त्यांच्या एका बाजूला धोकादायक धबधबा वाहत आहे आणि दुसऱ्या बाजूला डोंगर आहे. इतके विलक्षण दृष्य इतरत्र क्वचितच पाहायला मिळू शकतं. तुम्हीही अशा धोकादायक ठिकाणी खाण्याचे धाडस दाखवू शकत असाल, तर एका सुंदर धबधब्यावर हवेत 295 फूट लटकलेल्या पिकनिक टेबलवर बसून तुम्ही अप्रतिम भोजनाचा आनंद घेऊ शकता.
न्यूयॉर्क पोस्टच्या रिपोर्टनुसार, क्रिस्टियाना हर्ट आणि तिच्या बॉयफ्रेंडने या ठिकाणी खाण्याचे त्यांचे अनुभव शेअर केले आहेत. त्यांनी सांगितले की मग ते पायी चालत प्रसिद्ध कास्कटा दा सेपुल्तुरा धबधब्यावर पोहोचले. तेथे, एका टेबलावर बसण्यापूर्वी, जोडप्याला हार्नेसमध्ये अडकवले गेले होते, जे फॉलच्या काठावर असलेल्या झिपलाइनला जोडलेले होते. एकदा ते पाण्यापासून शेकडो फूट वर लटकत असताना, त्यांनी चीज, सँडविच आणि फळांनी भरलेल्या पिकनिकच्या टोपल्या उघडल्या आणि त्यांचे अन्न गोळा केले.
मात्र, आश्‍चर्यकारक गोष्ट म्हणजे येथे लोकांना केवळ 15 मिनिटांच्या अनुभवासाठी 450 डॉलर म्हणजेच सुमारे 37 हजार रुपये मोजावे लागतात. हे ठिकाण खरेतर अन्न खाण्यासाठी नाही, तर आजूबाजूचे अद्भुत दृश्य पाहण्यासाठी आहे.