‘शिवशक्ती’, ‘तिरंगा’ आणि ‘राष्ट्रीय अंतराळ दिन’, PM मोदींनी इस्रोसंदर्भात केल्या 3 मोठ्या घोषणा

देश, मुख्य, व्हिडिओ / By / इस्रो, चांद्रयान 3, नरेंद्र मोदी /


पंतप्रधान नरेंद्र मोदी आज ग्रीसहून थेट बंगळुरूला पोहोचले. इस्त्रो केंद्रात त्यांनी चांद्रयान-3 च्या यशस्वी लँडिंगबद्दल शास्त्रज्ञांचे अभिनंदन केले. त्यांनी इस्रोचे प्रमुख एस. सोमनाथ यांच्यासह इतर सर्व शास्त्रज्ञांची भेट घेतली आणि त्यांच्यासोबत छायाचित्रेही घेतली. शास्त्रज्ञांना संबोधित करताना पंतप्रधान मोदी म्हणाले की, चांद्रयान ज्या ठिकाणी उतरले, ते आता ‘शिवशक्ती’ म्हणून ओळखले जाईल. याशिवाय पीएम मोदींनी अनेक घोषणा केल्या.


भाषणादरम्यान पंतप्रधान मोदीही भावूक झाले. ते म्हणाले की, जिथे चंद्रयानाचे चिन्ह असेल, त्या पॉईंटला ‘तिरंगा पॉइंट’ म्हटले जाईल. हे मिशन आपल्याला शिकवते की कोणतेही अपयश अंतिम नसते. 23 ऑगस्टचा दिवस यापुढे ‘राष्ट्रीय अवकाश दिवस’ म्हणून साजरा केला जाईल, असे पंतप्रधानांनी सांगितले. चंद्र मोहिमेतील महिलांच्या योगदानाचेही त्यांनी कौतुक केले. पीएम मोदी म्हणाले की, सृष्टीपासून विनाशापर्यंत संपूर्ण निर्मितीचा आधार महिला शक्ती आहे.


ऋषी-मुनींच्या काळाचा संदर्भ देत पीएम मोदी म्हणाले की, अंतराळ विज्ञानातील सर्व गुण आणि रहस्ये फार पूर्वीच सापडली होती. आज संपूर्ण जगाने भारताची वैज्ञानिक शक्ती, आपले तंत्रज्ञान आणि आपला वैज्ञानिक स्वभाव लोखंडासारखा स्वीकारला आहे. पीएन म्हणाले की, चांद्रयान-3 चे यश हे सामान्य यश नाही. आपल्या चंद्र मोहिमेचे यश हे शास्त्रज्ञांच्या मेहनतीचे फळ आहे.

पंतप्रधानांनी दिला जय विज्ञान जय अनुसंधाचा नारा
चांद्रयान-3 च्या यशाबद्दल पंतप्रधान मोदी म्हणाले की, आज भारत अशा ठिकाणी पोहोचला आहे, जिथे कोणीही पोहोचू शकले नाही. इस्रो स्पेस सेंटरमध्ये पोहोचण्यापूर्वी, पंतप्रधानांनी बेंगळुरूच्या लोकांना संबोधित केले, जिथे त्यांनी जय विज्ञान, जय अनुसंधानचा नारा दिला. इस्रो केंद्रात संबोधित करताना पंतप्रधान मोदी म्हणाले की, चांद्रयान-3 चंद्राच्या पृष्ठभागावर उतरलेला क्षण आता अमर झाला आहे.

चांद्रयान-3 लँडिंगच्या वेळी भारतात नव्हते मोदी
23 ऑगस्टच्या ऐतिहासिक दिवशी, जेव्हा चांद्रयान-3 चंद्राच्या दक्षिण ध्रुवावर उतरले, तेव्हा पंतप्रधान भारतात उपस्थित नव्हते. ब्रिक्स परिषदेच्या निमित्ताने पंतप्रधान जोहान्सबर्ग, दक्षिण आफ्रिकेत होते. मात्र, त्यांनी व्हिडिओ कॉन्फरन्सिंगद्वारे पंतप्रधानांनी चांद्रयानचे लँडिंग पाहिले होते. दक्षिण आफ्रिकेनंतर पंतप्रधान एक दिवसीय दौऱ्यासाठी ग्रीसलाही गेले. त्यानंतर ते थेट बंगळुरूमधील स्पेस सेंटरमध्ये पोहोचले.