माजी कर्णधार शाहिद आफ्रिदीने पाकिस्तानसाठी 524 सामने खेळले. 22 वर्षांच्या आंतरराष्ट्रीय कारकिर्दीत त्याने प्रत्येक फॉरमॅटमध्ये आश्चर्यकारक कामगिरी केली. त्याने पाकिस्तानला अनेक संस्मरणीय विजय मिळवून दिले. मैदानावर त्याने प्रत्येक परिस्थितीचा सामना केला. शाहिद आफ्रिदीने मैदानावर किती वेळ घालवला, याचे त्याच्याकडे सांगण्यासारखे अनेक किस्से आहेत. पाकिस्तानचे युवा खेळाडू अनेकदा त्याच्याकडून शिकण्याची संधी शोधत असतात, पण एवढी वर्षे मैदानावर घालवल्यानंतरही आफ्रिदीला LBW चा फुल फॉर्म काय आहे, हे माहीत नाही हे जाणून आश्चर्य वाटेल.
यामुळे आफ्रिदीला लाईव्ह शोमध्ये अपमान सहन करावा लागला होता. गेल्या काही तासांत त्याचा एक जुना व्हिडिओ पुन्हा व्हायरल होऊ लागला, ज्यामध्ये तो पाकिस्तानी शोमध्ये दिसला. आफ्रिदी पाकिस्तानी टीव्ही वाहिनीवरील फैजल कुरेशीच्या सलाम जिंदगी या कार्यक्रमात दिसला होता. जिथे त्याला एक गेम खेळण्यास सांगितले होते. या गेममध्ये त्यांना लिप सिंक करून शब्दाचा अंदाज घ्यावा लागला. त्याला हेडफोन लावले होते आणि मोठ्या आवाजात संगीत वाजवले जात होते. लेग बिफोर विकेटचा त्याला लिप सिंकवरून अंदाज लावायचा होता.
Pakistan's no1. all-rounder . 😭🤣 pic.twitter.com/32Djx66eZf
— Hunटरर ♂ (@nickhunterr) August 19, 2023
शोच्या सादरकर्त्याने आफ्रिदीला शब्द सहज समजावेत यासाठी सर्वतोपरी प्रयत्न केले, परंतु ते अयशस्वी झाले. आफ्रिदीला लेग आणि बिफोर हे दोन शब्द समजले, पण तिसऱ्या शब्दाचा म्हणजे विकेटचा अंदाज लावता आला नाही. यानंतर हेडफोन काढल्यानंतर त्याला शेवटचा शब्द विकेट असल्याचे सांगण्यात आले. मात्र, त्यानंतर तो काय बोलला याची कोणालाच अपेक्षा नव्हती.
आफ्रिदी म्हणाला लेग बिफोर विकेट म्हणजे काय. क्रिकेटची भाषा काय आहे? यानंतर आफ्रिदीने सांगितले की, मी पहिल्यांदा लेग बिफोर विकेट ऐकले. इतकंच नाही तर कदाचित ते लोक हिट विकेट म्हणण्याचा प्रयत्न करत असल्याचेही त्याने प्रस्तुतकर्त्याला सांगितले. त्याच्या या व्हिडिओने प्रत्येक चाहत्यांनाही आश्चर्यचकित केले आहे.