सुखाचे दु:खात रूपांतर झालेले तुम्ही पाहिले आहे. तुम्ही ते पाहिले असेल किंवा नसेल देखील. आता तुम्ही पाहिले नसेल, तर ‘द हंड्रेड’मधील शाहीन शाह आफ्रिदीची अवस्था तुम्ही पाहू शकता. त्याने गोलंदाजीला सुरुवात केली, पहिल्या दोन चेंडूत 2 विकेट्स घेतल्याने एवढा आनंद मिळाला, काय बोलावे? गोलंदाजाला यापेक्षा जास्त कशाचीही गरज नसते. पण, पहिल्या दोन चेंडूंवर मिळालेला आनंद पुढच्या दोन चेंडूंनंतरच विरून गेला. त्यानंतर पुढच्या 6 चेंडूत त्याच्यासोबत असे घडले, ज्याने त्याचे सर्व सेलिब्रेशन उधळले. शाहीन आफ्रिदीची झाली येथेच्छ धुलाई आणि हे काम अज्ञात फलंदाज मॅक्स होल्डनने केले.

25 वर्षीय मॅक्स होल्डन हा इंग्लंडचा देशांतर्गत क्रिकेटपटू आहे. तो तिथल्या अंडर 19 संघाचा कर्णधार राहिला आहे आणि, क्रिकेटच्या T20 फॉरमॅटमध्ये एक अनुभवी फलंदाज आहे. डावखुरा होल्डनचा T20 स्ट्राइक रेट 145 पेक्षा जास्त आहे. पण, शाहीन आफ्रिदीविरुद्ध त्याने ज्या स्ट्राइक रेटने हल्ला केला, तो त्याच्या कारकिर्दीच्या स्ट्राइक रेटपेक्षा जास्त होता.

वेल्स फायर विरुद्ध मँचेस्टर ओरिजिनल्सकडून खेळताना, होल्डनने 18 चेंडूत 205 च्या स्ट्राइक रेटने धावा केल्या. त्याने आपल्या डावात 7 चौकार मारले, ज्यात त्याने शाहीन शाह आफ्रिदीविरुद्ध 5 चौकार मारले. या 5 चौकारांपैकी त्याने 4 सलग चौकार लगावले.

शाहीन शाह आफ्रिदीने त्याच्या गोलंदाजीदरम्यान 10 चेंडूत 24 धावा दिल्या, त्यापैकी 20 धावा त्याने चौकारावरच दिल्या आणि, इंग्लंडचा मॅक्स होल्डन हा एकमेव फलंदाज होता ज्याने त्याच्याविरुद्ध चौकारावर सर्व 20 धावा केल्या. त्याने शाहीनच्या 5व्या, 6व्या, 7व्या आणि 8व्या चेंडूवर चौकार मारला. यानंतर त्याने 10व्या चेंडूवर 5वा चौकार लगावला.

मात्र, शाहीनवर हल्ला करूनही मॅक्स होल्डन आपल्या संघाला विजय मिळवून देऊ शकला नाही. वेल्स फायरने मँचेस्टर ओरिजिनल्सविरुद्धचा सामना 9 धावांनी जिंकला. प्रथम खेळताना वेल्स फायरने 40 चेंडूत 94 धावा केल्या. तर मँचेस्टर ओरिजिनल्सला केवळ 85 धावा करता आल्या.