एमएलसी 2023 चा पहिला हंगाम एमआयच्या नावे, निकोलस पूरनने 40 चेंडूत ठोकले हाहाकारी शतक, मिळवून दिला एकतर्फी विजय

अंतिम सामन्यात सिएटल ऑर्कास संघाने प्रथम फलंदाजी करत 20 षटकात 9 बाद 183 धावा केल्या. मुंबई इंडियन्ससमोर 184 धावांचे लक्ष्य होते. पण, त्याचा पाठलाग करताना स्कोअर बोर्डवर एकही धाव न जोडल्याने त्याला पहिला धक्का बसला. अशा परिस्थितीत फलंदाजीसाठी उतरलेल्या निकोलस पूरनने कर्णधार म्हणून कर्तव्य पार पाडले आणि आपल्या संघासाठी ग्राउंड ब्रेकिंग इनिंग खेळली.

3 SIXES TO END THE LAST OVER OF THE POWERPLAY!

THIS IS SOMETHING SPECIAL, NICKY P!💙🥶🫡

8⃣0⃣/2⃣ (6.0) pic.twitter.com/pGRwHNz0nT

— Major League Cricket (@MLCricket) July 31, 2023

निकोलस पूरनने पहिल्या 16 चेंडूत 50 धावा ठोकल्या आणि नंतर त्या 50 धावांचे रूपांतर 100 धावांमध्ये केव्हा केले, ते कळलेही नाही. त्याची खेळी किती वेगवान आणि स्फोटक होती, हे त्याच्या स्ट्राईक रेटवरून कळते. पूरनने 250 च्या आसपासच्या स्ट्राइक रेटने टी-20 क्रिकेटमधील आपले दुसरे शतक झळकावले.

निकोलस पूरनने MLC 2023 च्या अंतिम सामन्यात 55 चेंडूंचा सामना करत नाबाद 137 धावा केल्या, जी त्याच्या T20 कारकिर्दीतील सर्वात मोठी धावसंख्या आहे. पुरणच्या खेळीत 13 षटकार आणि 10 चौकारांचा समावेश होता. संघाला त्याची सर्वाधिक गरज असताना त्याने ही अप्रतिम झंझावाती खेळी खेळली. म्हणजे जेव्हा तो क्रिझवर आला, तेव्हा संघ अडचणीत आला होता आणि त्याने आल्यावर त्यांना चॅम्पियन बनवले.

आता पूरन पूर्ण फॉर्ममध्ये असताना, बाकीच्या फलंदाजांसाठी काय करायचे आहे. या सामन्यातही तेच घडले. 184 धावांच्या लक्ष्यासमोर त्यांनी एकट्याने 137 धावा केल्या. अशा स्थितीत उर्वरित फलंदाजांनी एक प्रकारे सहाय्यक भूमिका बजावली. पुरनच्या झंझावातामुळे मुंबई इंडियन्स न्यूयॉर्कने सिएटल ऑर्कासचे लक्ष्य 24 चेंडू आधी पूर्ण केले. त्याने 16व्या षटकात सामना संपवला आणि 7 विकेट्स राखून विजय आपल्या नावावर केला.