हरमनप्रीत कौर… भारतीय महिला क्रिकेट संघाची कर्णधार आणि सध्याच्या काळातील सर्वोत्तम खेळाडूंपैकी एक आहे. ती अनेकदा तिच्या वेगवान फलंदाजीमुळे चर्चेत असते, मात्र आजकाल ती तिच्या खेळाऐवजी चुकीच्या कारणांमुळे चर्चेत आहे. नुकतीच हरमनप्रीतवर दोन सामन्यांची बंदी घालण्यात आली आहे. बांगलादेशातील पंचांच्या निर्णयावर हरमनप्रीत कौर संतापली आणि तिने बॅट विकेटवर आपटली, त्यानंतर आयसीसीने तिच्यावर कारवाई केली. पण आम्ही तुम्हाला सांगतो की, हरमनप्रीतच्या अडचणी येथेच संपलेल्या नाहीत. वृत्तानुसार, बीसीसीआय अध्यक्ष रॉजर बिन्नी आणि एनसीए प्रमुख व्हीव्हीएस लक्ष्मण हरमनप्रीत कौरला भेटणार आहेत.
मीडिया रिपोर्ट्सनुसार, बीसीसीआय हरमनप्रीत कौरच्या या कृतीवर नाराज आहे आणि म्हणूनच रॉजर बिन्नी आणि व्हीव्हीएस लक्ष्मण तिला भेटणार आहेत. बिन्नी आणि लक्ष्मण दोघेही हरमनप्रीत कौरची बांगलादेशातील घटनेबाबत चौकशी करणार आहेत. आयसीसीने हरमनप्रीतवर घातलेल्या दोन सामन्यांच्या बंदीच्या विरोधात बीसीसीआय अपील करणार नसल्याचेही वृत्त आहे. हरमनप्रीत कौरच्या या वृत्तीने बीसीसीआयची निराशा झाल्याचे स्पष्ट झाले आहे.
आम्ही तुम्हाला सांगतो की हरमनप्रीतने असे काय केले होते की, तिच्यावर दोन सामन्यांची बंदी घालण्यात आली आणि आता बीसीसीआय अध्यक्ष आणि एनसीए प्रमुख तिची चौकशी करणार आहेत? भारत आणि बांगलादेश यांच्यातील एकदिवसीय मालिकेतील तिसरा आणि निर्णायक सामना मीरपूरमध्ये सुरू होता, ज्यामध्ये पंचांनी हरमनप्रीतला एलबीडब्ल्यू आऊट दिले. या निर्णयामुळे हरमनप्रीतला अचानक राग आला आणि तिने तिची बॅट स्टंपवर आपटली. शेवटी हा सामना बरोबरीत सुटला आणि टीम इंडियाला एकदिवसीय मालिका जिंकता आली नाही. मालिका 1-1 अशी बरोबरीत सुटली.
हरमनप्रीत येथेच थांबली नाही. सामना संपल्यानंतर दोन्ही संघांनी ट्रॉफीसोबत फोटो सेशन केले, त्यावेळी तिने बांगलादेशी कर्णधाराला पंचांनाही बोलावण्यास सांगितले. वास्तविक पंचांच्या निर्णयामुळे टीम इंडिया मालिका जिंकू शकली नाही, असे हरमनप्रीतचे मत होते.
हरमनप्रीतच्या या कृतीनंतर तिच्याविरोधात तक्रार करण्यात आली होती. आयसीसीने तिच्यावर दोन सामन्यांची बंदी घातली. यासोबतच तिच्या मॅच फीच्या 75 टक्के रक्कमही कापण्यात आली आहे. मोठी गोष्ट म्हणजे हरमनला आशियाई क्रीडा स्पर्धेत भारतीय संघाचे पहिले दोन सामने खेळता येणार नाहीत. पण आता रंजक प्रश्न असा आहे की बीसीसीआय हरमनप्रीतला प्रश्नोत्तर का करु इच्छिते? तिच्यावर मोठी कारवाई होणार का?