राजकुमार राव आणि श्रद्धा कपूरचा हॉरर कॉमेडी चित्रपट ‘स्त्री’ने थिएटरमध्ये प्रेक्षकांची खूप मने जिंकली होती. 2018 मध्ये आलेल्या या चित्रपटाला इतके प्रेम मिळाले की, स्त्री पुन्हा एकदा मोठ्या पडद्यावर परतत आहे. वास्तविक ‘स्त्री 2’ चे शूटिंग सुरू झाले आहे, नुकतीच जिओ स्टुडिओ आणि मॅडॉक फिल्मने याबाबत माहिती दिली आहे.
Stree 2 : ‘स्त्री 2’मध्ये यावेळी असेल ‘डोके नसलेल्या शरीराची दहशत’, श्रद्धा कपूरने सुरू केली चित्रपटाची शूटिंग
‘स्त्री 2’ चित्रपटात राजकुमार राव, पंकज त्रिपाठी आणि श्रद्धा कपूर सारखे प्रसिद्ध कलाकार काम करताना दिसणार आहेत. मात्र, ‘स्त्री’चा सिक्वेल यावेळी वेगळ्या पद्धतीने दाखवण्यात येणार आहे. जिथे ‘स्त्री’च्या पहिल्या भागात ‘ओ स्त्री कल आना’ सारखे डायलॉग खूप चर्चेत होते. त्यामुळे यावेळी ‘ओ स्त्री रक्षा करना’ सारख्या डायलॉगसह गुड न्यूज शेअर करण्यात आली आहे.
बॉलिवूडची लोकप्रिय अभिनेत्री श्रद्धा कपूरने इंस्टाग्रामवर एक व्हिडिओ शेअर करत ‘स्त्री 2’ चित्रपटाविषयी चाहत्यांना माहिती दिली आहे. श्रद्धा कपूरने लिहिले: चंदेरीमध्ये पुन्हा एकदा दहशत पसरली! ती ऑगस्ट 2024 ला येत आहे. मात्र, अभिनेत्रीने हा व्हिडिओ सोशल मीडियावर शेअर करताच युजर्सही चांगलेच सक्रिय झाले. एका अतिउत्साही चाहत्याने चित्रपटाबद्दल लिहिले: आता खरी मजा येईल. तर दुसरीकडे आणखी एका युजरने अभिनेत्रीकडे ओ स्त्रीचा व्हिडीओही शेअर करण्याची मागणी केली आहे.
‘स्त्री 2’ मध्ये श्रद्धा कपूर आणि राजकुमार राव यांच्याशिवाय पंकज त्रिपाठी, अपारशक्ती खुराना आणि अभिषेक बॅनर्जी देखील दिसणार आहेत. श्रद्धा कपूरनेही या हॉरर कॉमेडी चित्रपटाच्या शूटिंगला सुरुवात केली आहे. मात्र, ‘ओ स्त्री कल आना’ ऐवजी ‘ओ स्त्री रक्षा करना’ सारखे डायलॉग पाहून चाहते संभ्रमात पडले आहेत. पण ‘स्त्री’चा सिक्वेल अगदी वेगळ्या पद्धतीने रिलीज होणार आहे.
‘स्त्री 2’ चित्रपटाची रिलीज डेट अद्याप समोर आलेली नाही, परंतु व्हिडिओसह दिलेल्या माहितीनुसार, हा चित्रपट ऑगस्ट 2024 मध्ये थिएटरमध्ये दाखल होईल.