एकदिवसीय विश्वचषक 2023 मधील शेवटचा म्हणजे 10 व्या संघावर देखील शिक्कामोर्तब करण्यात आले आहे. नेदरलँड्स हा संघ या शेवटच्या स्थानासाठी पात्र ठरला. स्कॉटलंडला हरवून नेदरलँड्सने हे स्थान मिळवले. ही 5 वी वेळ असेल, जेव्हा नेदरलँड्स वनडे वर्ल्ड कपमध्ये खेळताना दिसणार आहे. या यशात नेदरलँड्सच्या संपूर्ण संघाचा मोलाचा वाटा आहे आणि, त्याच संघातील एक खेळाडू आहे, ज्याचा एमएस धोनीशी विशेष संबंध आहे.
आम्ही एमएस धोनीशी कनेक्शन असलेल्या त्या खेळाडूबद्दल बोलत आहोत, ज्याचे नाव आहे विक्रमजीत सिंग. विक्रमजीत हा भारतीय वंशाचा आहे. त्यांचा जन्मही भारतात पंजाबमध्ये झाला. पण, जर तुम्ही असा विचार करत असाल की त्याचे याच कारणामुळे धोनीशी नाते आहे का, तर तुम्ही चुकीचे आहात.
वास्तविक, विक्रमजीतचे धोनीशी नाते जोडण्याचे कारण म्हणजे त्याची जर्सी. दोघांचा जर्सी क्रमांक 7 आहे. आयसीसीने नुकताच विक्रमजीतचा एक व्हिडिओ शेअर केला आहे, ज्यामध्ये तो त्याच्या जर्सीमागील कथा सांगताना धोनीशी जोडताना दिसत आहे.
विक्रमजीतने सांगितले की, मला 7 नंबरच्या जर्सीबाबत सोशल मीडियावर खूप कमेंट्स मिळतात. त्या कमेंट्स लोकांना सांगतात की 7 नंबरची जर्सी एमएस धोनीची आहे. खरे सांगायचे तर माझा आवडता जर्सी क्रमांक 10 होता. पण तो नंबर दुसऱ्या खेळाडूला मिळाल्यानंतर मला 7 नंबरची जर्सी मिळाली.
विक्रमजीत सिंग नेदरलँडसाठी सलामी दिली. एकदिवसीय विश्वचषक 2023 च्या पात्रता फेरीत सलामी देताना, त्याने 7 सामन्यात 1 शतकासह 313 धावा केल्या. ओमानविरुद्ध त्याने हे शतक ठोकले, ज्यामध्ये त्याने 110 धावा केल्या.
आता प्रश्न असा आहे की धोनीच्या जर्सीचा क्रमांक 7 का आहे? तर यामागचे कारण त्याच्या जन्माच्या तारखेशी आणि महिन्याशी संबंधित आहे. त्याची तारीखही 7 आहे आणि महिनाही 7 आहे. त्याच्या जर्सी क्रमांकामागे हे एकमेव कारण आहे.