भारताच्या स्वातंत्र्यलढ्यात क्रांतिकारक स्वातंत्र्यवीर सावरकरांचे नाव सध्या खूप चर्चेत आहे. नुकतीच स्वातंत्र्यवीर सावरकरांची 140 वी जयंती साजरी झाली. यासोबतच एक नव्हे तर दोन मोठ्या चित्रपटांची घोषणाही करण्यात आली. अभिनेता रणदीप हुड्डा लवकरच वीर सावरकरांचा बायोपिक घेऊन मोठ्या पडद्यावर येत आहे. तर दुसरीकडे साऊथचा सुपरस्टार राम चरणनेही एका बिग दबंग चित्रपटाची तयारी केली आहे. या चित्रपटाचे नाव आहे ‘इंडिया हाऊस’, ज्याची कथा स्वातंत्र्यवीर सावरकरांशिवाय पूर्ण होऊ शकत नाही.
हा चित्रपट राम चरणच्या प्रोडक्शन हाऊस ‘व्ही मेगा पिक्चर्स’ अंतर्गत बनवला जात आहे. ‘द इंडिया हाऊस’ हा त्याच्या प्रोडक्शन हाऊसचा पहिला चित्रपट असेल. कमी बजेटमध्ये उत्तम चित्रपट बनवणाऱ्या ‘द कश्मीर फाईल्स’ या टीमच्या सहकार्याने राम चरण हा चित्रपट तयार करत आहेत.
‘द इंडिया हाऊस’मध्ये निखिल सिद्धार्थ मुख्य भूमिकेत आहे. ज्याने ‘कार्तिकेय 2’ मध्ये आपल्या दमदार अभिनयाने लोकांची मने जिंकली आहेत. द इंडिया हाऊस या चित्रपटात निखिल शिवा नावाची व्यक्तिरेखा साकारत आहे. वीर सावरकर यांच्या जयंतीनिमित्त त्यांना आदरांजली वाहणारा चित्रपटाचा टीझर प्रदर्शित करण्यात आला आहे, त्यामुळे निखिल या चित्रपटात स्वातंत्र्यवीर सावरकरांची भूमिका साकारू शकतो, असे मानले जात आहे. याशिवाय अनुपम खेर या चित्रपटात श्यामजी कृष्ण वर्मा यांची भूमिका साकारत आहेत. हा चित्रपट भारतीय इतिहासाच्या ‘विसरलेल्या अध्यायावर’ आधारित असल्याचे चित्रपटाच्या टीझरमध्ये दाखवण्यात आले आहे.
दोन वेळा राष्ट्रीय पुरस्कार मिळालेले दिग्दर्शक वामसी कृष्णा हा चित्रपट दिग्दर्शित करत असल्यामुळे हा चित्रपट विशेष मानला जात आहे. हा चित्रपट संपूर्ण भारतात प्रदर्शित होणार आहे. चित्रपटाच्या प्रदर्शनाची तारीख किंवा अन्य माहिती अद्याप समोर आलेली नसली तरी, इंडिया हाऊस या नावावरूनच भारतीय क्रांतिकारकांची कथा चित्रपटात दाखवण्यात येणार असल्याचे स्पष्ट झाले आहे.
भारताच्या स्वातंत्र्यात ‘इंडिया हाऊस’ने महत्त्वाची भूमिका बजावली. आजही ही लाल रंगाची इमारत उत्तर लंडनमध्ये आहे, जी 1905 ते 1910 दरम्यान ‘इंडिया हाऊस’ म्हणून ओळखली जात होती. इंडिया हाऊस हे ब्रिटनमध्ये शिकणाऱ्या भारतीय विद्यार्थ्यांसाठी बांधलेले वसतिगृह असले तरी येथे विद्यार्थ्यांमध्ये राष्ट्रवादाची भावना जागृत करण्याचे काम करण्यात आले. श्यामजी कृष्ण वर्मा यांच्यानंतर स्वातंत्र्यवीर सावरकरांनी इंडिया हाऊसची जबाबदारी घेतली आणि स्वातंत्र्य क्रांती पुढे नेली.