मुंबई इंडियन्सने आयपीएल 2023 च्या दुसऱ्या क्वालिफायरमध्ये प्रवेश केला आहे. रोहित शर्माचा संघ आता विजेतेपदापासून फक्त 2 पावले दूर आहे. चेन्नईमध्ये एलिमिनेटर सामन्यात मुंबईने लखनौचा 81 धावांनी पराभव केला. विजयानंतर मुंबईचा उत्साह वाढला आहे, पण त्यानंतर खेळाडूंची ऊर्जा थोडी कमी झाली. लखनौला पराभूत केल्यानंतर संघाने मैदानावर जल्लोष केला आणि नंतर ड्रेसिंग रूममध्ये थोडा आनंद साजरा केला, पण पुढे जे घडले त्यामुळे खेळाडू चक्रावले.
मैदानावर क्वालिफायर 2 मध्ये स्थान मिळवण्यासाठी संघर्ष केल्यानंतर संघाला रात्री झोपायलाही वेळ मिळाला नाही. खेळाडूंना जागे राहणे भाग पडले. वास्तविक, अंतिम फेरीत स्थान मिळवण्यासाठी मुंबईला आता क्वालिफायर 2 मध्ये गुजरात टायटन्सचा सामना करावा लागणार आहे आणि हा सामना शुक्रवारी अहमदाबादमध्ये होणार आहे. अशा परिस्थितीत, क्वालिफायर 2 मध्ये स्थान मिळविल्यानंतर काही तासांनी, मुंबईचा संघ चेन्नईहून निघाला आणि पहाटे 5.30 च्या सुमारास अहमदाबादला पोहोचला.
https://twitter.com/catpersonaf/status/1661478702495186946?ref_src=twsrc%5Etfw%7Ctwcamp%5Etweetembed%7Ctwterm%5E1661478702495186946%7Ctwgr%5E2f244ed973df3f029429e1ee9e14848c67963c6e%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fmumbai-indians-reach-ahmedabad-from-chennai-for-ipl-2023-qualifier-2-vs-gt-after-beat-lsg-1882139.html
विजयानंतर अहमदाबादला पोहोचेपर्यंतचा प्रवास संघासाठी अत्यंत खडतर होता. सामना संपताच रात्रीचे 11 वाजले होते आणि त्यानंतर 3 वाजण्याच्या दरम्यान खेळाडू विमानतळावर दिसले आणि 5.30 च्या सुमारास त्यांचे विमान अहमदाबाद विमानतळावर उतरले. संपूर्ण दिवस खेळाडू तसेच त्यांच्या साथीदारांसाठी खूप व्यस्त होता.
रोहित शर्माची पत्नी रितिका सजदेह, सूर्यकुमार यादवची पत्नी देविशा, पियुष चावलाची पत्नी अनुभूती चौहान स्टेडियममध्ये उपस्थित होत्या. मॅचनंतर त्या टीमसोबत एअरपोर्टवरही दिसल्या. यादरम्यान त्यांच्या चेहऱ्यावर थकवा स्पष्ट दिसत होता. त्यांना कपडे बदलायलाही वेळ मिळाला नाही. ज्या ड्रेसमध्ये त्या स्टेडियममध्ये दिसल्या, त्याच ड्रेसमध्ये त्या अहमदाबादला पोहोचल्या.