वानखेडेवर रॉयल चॅलेंजर्स बंगळुरूच्या गोलंदाजांना जोरदार फटका बसला. सूर्यकुमार यादव आरसीबीच्या गोलंदाजांवर तुटून पडला. तसे, केवळ सूर्यकुमारच नाही तर प्रथमच आयपीएल खेळणारा युवा फलंदाज नेहल वढेरा यानेही वानखेडेवर शानदार अर्धशतक ठोकले. नेहलने 34 चेंडूत नाबाद 52 धावा ठोकत संघाला विजय मिळवून दिला. मात्र, सामना संपल्यानंतर नेहल वढेराची इशान किशनने जबरदस्त खिल्ली उडवली. खरं तर, मुंबईच्या विजयानंतर ईशान नेहलशी बोलला आणि त्यादरम्यान त्याने त्याची खिल्ली उडवली.
इशानने नेहलला विचारले की तो स्वतःच्या अर्धशतकासाठी खेळत होता की संघाचा धावगती सुधारण्याचा विचार करत होता. यावर नेहल म्हणाला की, त्याच्यासाठी टीम ही पहिली आहे. पण यानंतर लगेचच ईशान किशनने सांगितले की तो नेहलला ओळखतो आणि त्याने सूर्याभाईला सांगितले असावे की पाजी तुम्ही एक धाव घ्या, मला अर्धशतक करायचे आहे आणि त्यामुळे तो आऊट झाला.
From relishing the opportunity of batting up the order to stitching a memorable stand with @surya_14kumar 🤝
DO NOT MISS this chat full of smiles and banter ft. @ishankishan51 & Nehal Wadhera 😃 – By @Moulinparikh
Full Interview🔽 #TATAIPL | #MIvRCB https://t.co/zw8qA7axfR pic.twitter.com/wStCgThRGU
— IndianPremierLeague (@IPL) May 10, 2023
तुम्ही सहज सामना जिंकत असताना हेल्मेट का काढले, असा सवाल इशान किशनने केला. यावर वढेरा म्हणाला की, हे आपोआप घडले, त्याने असे काही करण्याचा विचार केला नव्हता. वानखेडेवर प्रचंड पाठिंबा होता, म्हणून त्याने ते केले. यावर ईशान किशनने गंमतीत म्हटले की, सोशल मीडियामुळेच आपण हे केले आहे.
इशान किशनने खुलासा केला की वढेराला त्याच्या फलंदाजी क्रमवारीत वाढ करावी अशी इच्छा होती. मुंबई इंडियन्सच्या संघ व्यवस्थापनानेही तेच केले. तिलक वर्माच्या अनुपस्थितीत वढेराला चौथ्या क्रमांकावर पाठवून त्याने संघाला निराश केले नाही. वढेराने केवळ अर्धशतकच केले नाही, तर सूर्यकुमार यादवसोबत अवघ्या 66 चेंडूत 140 धावांची भागीदारीही केली. या भागीदारीच्या जोरावर मुंबईने 21 चेंडूंआधीच 200 धावांचे लक्ष्य पार केले.