व्हॉट्सअॅपवर चुकूनही करू नका या चुका, मार्चमध्ये करण्यात आले 47 लाख अकाऊंट बॅन

व्हॉट्सअॅपने आपला मासिक अहवाल जारी करताना सांगितले की, या खात्यांबाबत वापरकर्त्यांकडून नकारात्मक प्रतिक्रिया मिळाल्या. अहवालात नमूद करण्यात आले आहे की 1 मार्च 2023 ते 31 मार्च 2023 या कालावधीत एकूण 47 लाख 15 हजार 906 व्हॉट्सअॅप अकाउंट बॅन करण्यात आले आहेत.

यापैकी 16 लाख 59 हजार 385 खाती युजर्सकडून तक्रारी येण्यापूर्वीच बॅन करण्यात आली होती. तुमच्या माहितीसाठी, आम्ही तुम्हाला सांगतो की व्हॉट्सअॅपला तक्रार अपील समितीकडून 3 आदेश प्राप्त झाले होते आणि व्हॉट्सअॅपने या आदेशांचे पालन केले आहे.

मार्चमध्ये 47 लाखांहून अधिक खाती लॉक करण्यात आली होती, तर फेब्रुवारीमध्ये कंपनीने 45 लाखांहून अधिक खाती बंद केली होती. मार्चमध्ये कंपनीकडे 4720 तक्रारी आल्या होत्या, त्यापैकी 4300 तक्रारी या खात्यावर बंदी घालण्याच्या विनंतीसह करण्यात आल्याचे अहवालात नमूद करण्यात आले आहे.

आयटी नियमांनुसार, डिजिटल प्लॅटफॉर्मला दर महिन्याला अनुपालन अहवाल प्रकाशित करावा लागतो. कंपनीने दर महिन्याला जारी केलेल्या अहवालात वापरकर्त्यांकडून आलेल्या तक्रारी आणि कंपनीने केलेल्या कारवाईची माहिती असते.

व्हॉट्सअॅपच्या एफएक्यू पेजवर दिलेल्या माहितीनुसार, अकाउंट बॅन केल्यानंतर यूजरला व्हॉट्सअॅप ओपन केल्यानंतर लिहिलेले दिसेल, या अकाउंटला व्हॉट्सअॅप वापरण्याची परवानगी नाही.

व्हॉट्सअॅपच्या म्हणण्यानुसार, अशा खात्यांवर बंदी घालण्यात आली आहे जी कंपनीच्या सेवा अटींचे उल्लंघन करतात, जसे की खाते स्पॅम, घोटाळे किंवा वापरकर्त्यांची सुरक्षितता धोक्यात आणणारी कोणतीही गोष्ट करत असल्यास, अशा खात्यांवर कारवाई केली जाते. अशा परिस्थितीत, तुमचे खाते बॅन होऊ नये अशी तुमची इच्छा असेल, तर यापैकी कोणतीही गोष्ट चुकून करु नका.