बॉलिवूड अभिनेता सोनू सूदच्या लोकप्रियतेत कोणतीही कमतरता नाही. लॉकडाऊन दरम्यान त्याने ज्या प्रकारे गरजूंना मदत केली, तेव्हापासून त्याची लोकप्रियता खूप वाढली आहे. आता त्याची एक झलक पाहण्यासाठी चाहते खूप उत्सुक आहेत. लोक त्याला खरा हिरो मानतात.
अलीकडेच सोनू सूद पंजाब किंग्ज आणि गुजरात टायटन्स यांच्यातील आयपीएल सामना पाहण्यासाठी मोहालीला पोहोचला. त्या वेळी स्टेडियम सोनू सूदच्या नावाने दुमदुमले. सामना पाहण्यासाठी आलेले लोक सोनूला पाहताच उत्साहित झाले आणि त्यांनी सोनू-सोनूचा जयघोष सुरू केला. त्यावेळचा व्हिडिओ सोनू सूदने स्वतः इंस्टाग्रामवर शेअर केला आहे, ज्यामध्ये लोक सोनू-सोनूच्या ओरडत असल्याचे पाहायला मिळत आहे. त्याचवेळी सोनू सूद हात जोडून आणि ओवाळत लोकांचे हे प्रेम स्वीकारत आहे. व्हिडिओ पोस्ट करताना त्याने कॅप्शनमध्ये लिहिले की, विनम्र, कृतज्ञ आणि धन्य.
सोशल मीडियावर सोनू सूदचा हा व्हिडिओ त्याच्या चाहत्यांना खूप आवडला आणि कमेंट करून त्याला खरा हिरो म्हणत आहेत. एका युजरने ‘आप रील नाही रिअल हिरो हो सर’ अशी कमेंट केली आहे. दुसऱ्या युजरने लिहिले की, ही सोनू सूद सरांची क्रेझ आहे. दुसऱ्या एका चाहत्याने लिहिले की, तुम्ही या सर्व गोष्टींसाठी पात्र आहात. तर दुसऱ्या युजरने ‘लव्ह यू सोनू सर’ अशी कमेंट केली.
त्या मॅचमध्ये फक्त सोनू सूदच नाही, तर बॉलिवूडचे अनेक स्टार्सही स्टेडियममध्ये पोहोचले होते. प्रिती झिंटाने स्टेडियममध्ये जाऊन मॅचचा आनंद लुटला. त्याचवेळी अरबाज खान आणि त्याची गर्लफ्रेंड जॉर्जिया एंड्रियानीही त्याच्यासोबत होती. या सगळ्यासह प्रीतीने सोशल मीडियावर फोटो शेअर केले होते. या सर्वांसोबत सोनू सूदही दिसला.