बंगळुरूच्या मैदानावर 17व्या षटकाचा दुसरा चेंडू आणि क्रीझवर विराट कोहली.. त्यानंतर त्याने मारलेला फटक्याने प्रत्येकाच्या 12 वर्षांच्या जुन्या आठवणींना उजाळा दिला. कोहलीने 16.2 षटकात षटकार ठोकून रॉयल चॅलेंजर्स बंगळुरूला मुंबई इंडियन्सवर विजय मिळवून दिला. RCB ने IPL 2023 मध्ये 8 गडी राखून विजय मिळवून त्यांच्या मोहिमेची सुरुवात केली. कोहलीने 49 चेंडूत 82 धावा ठोकल्या. विजयी शॉटही त्याच्या बॅटमधून बाहेर पडला.

कोहलीने अर्शद खानला लाँग ऑनवर षटकार ठोकला आणि हा षटकार मारून वर्ल्डकपचा वर्धापन दिन साजरा केला. त्याने धोनीच्या 12 वर्षांपूर्वीच्या शैलीत षटकार ठोकला. 2 एप्रिल 2011 रोजी भारताने वानखेडे स्टेडियमवर श्रीलंकेचा पराभव करून विश्वचषक जिंकला. धोनीच्या बॅटमधून विजयी षटकार निघाला होता.

धोनीच्या बॅटमधून निघालेला तो ऐतिहासिक षटकार एक वेगळीच ओळख बनला. भारताला वर्ल्ड चॅम्पियन बनून 12 वर्षे झाली आहेत आणि या निमित्ताने कोहलीने चाहत्यांना धोनीच्या 12 वर्ष जुन्या ऐतिहासिक विजयी षटकाराची झलक दाखवली आणि धोनीसारख्याच शैलीत षटकार मारला. RCB आणि मुंबई यांच्यात खेळल्या गेलेल्या आयपीएलच्या 5व्या सामन्याबद्दल सांगायचे तर, 172 धावांच्या लक्ष्याला प्रत्युत्तर देताना कोहली आणि डुप्लेसिसने तुफानी फलंदाजी केली. दोघांनी अर्धशतके ठोकली.

डुप्लेसीसोबत सलामीला आलेल्या कोहलीने त्याच्यासोबत 148 धावांची भागीदारी केली. आरसीबीचा कर्णधार डुप्लेसी 73 धावा करून बाद झाला. पॅव्हेलियनमध्ये परतल्यानंतर दिनेश कार्तिकही शून्यावर बाद झाला. 2 विकेट पडल्यानंतर कोहलीला मॅक्सवेलची साथ लाभली आणि त्यानंतर त्याने संघाला विजयाच्या उंबरठ्यावर आणले. कोहलीने 49 चेंडूत नाबाद 82 धावा केल्या होत्या. त्याने आपल्या खेळीत 6 चौकार आणि 5 षटकार मारले.

Video : विराट कोहलीने खेळला धोनीचा 12 वर्षांपूर्वीचा शॉट, सामन्याच्या मध्यावर साजरा केला विश्वचषक वर्धापनदिन

"माझा पेपर " आपल्या होम स्क्रीन वर ठेवा