आयपीएलसह पुनरागमन करणार ऋषभ पंत? या 35 सेकंदाच्या व्हिडिओमध्ये मिळेल उत्तर

30 डिसेंबर रोजी ऋषभ पंत दिल्लीहून रुरकी येथील त्याच्या घरी जात असताना त्याची कार दुभाजकाला धडकली. या अपघातात तो गंभीर जखमी झाला. त्याला आधी डेहराडून आणि नंतर मुंबईत रुग्णालयात दाखल करण्यात आले. पंतला अॅक्शनमध्ये पाहण्यासाठी चाहते खूप दिवसांपासून उत्सुक आहेत. आता स्वतः पंतने याबाबत मोठे अपडेट दिले आहेत.

It's time for a comeback 💪 #RishabhIsBack @zomato

…#Ad #PaidPartnership pic.twitter.com/N2whFvsNdw

— Rishabh Pant (@RishabhPant17) March 29, 2023

पंतने 35 सेकंदांचा एक व्हिडिओ शेअर केला आहे ज्यामध्ये तो त्याच्या रिकव्हरीबद्दल बोलत आहे. त्याने सांगितले की त्याला जेवण आणि क्रिकेट खूप आवडते. तो क्रिकेटपासून दूर झाला पण अन्नापासून दूर जाऊ शकला नाही. काही काळापासून तो क्रिकेटपासून दूर आहे, पण खेळापासून दूर नाही आणि लवकरच पुनरागमन करणार असल्याचे त्याने सांगितले. हे पुनरागमन कधी आणि कसा होईल, याबाबत त्याने कोणतीही माहिती दिलेली नाही.

दिल्ली कॅपिटल्स संघाने आधीच आपल्या नवीन कर्णधाराच्या नावाची घोषणा केली आहे. ऋषभ पंतच्या जागी ऑस्ट्रेलियाचा फलंदाज डेव्हिड वॉर्नर या संघाची धुरा सांभाळणार आहे. यासोबतच पंतच्या जागी यष्टीरक्षक फलंदाज अभिषेक पोरेलचा संघात समावेश केला जाऊ शकतो, अशीही बातमी आहे. संघाकडे यष्टिरक्षकाच्या भूमिकेसाठी सर्फराज खानचा पर्याय आधीच उपलब्ध आहे. दिल्ली कॅपिटल्स संघ काय निर्णय घेते, हे पाहावे लागेल.