दिग्दर्शक नंदिता दास यांच्या Zwigato या चित्रपटाची चाहते आतुरतेने वाट पाहत आहेत. या मागचे कारण आहे कपिल शर्मा. आपल्या परफेक्ट कॉमेडी टायमिंगने संपूर्ण जगाला हसवणाऱ्या कपिलने या चित्रपटात लोकांना हसवले नाही तर भावूक केले. नुकताच Zwigato चा ट्रेलर रिलीज झाला आहे. ज्यामध्ये डिलिव्हरी बॉयच्या आयुष्यातील वास्तव दाखवणाऱ्या कपिलच्या अभिनयाचे लोक वेडे झाले आहेत. चला तर मग आपण हे देखील बघुया की प्रत्येक घरात वेळेवर जेवण पोहोचवणारा डिलिव्हरी बॉय आपल्या कुटुंबाच्या गरजा पूर्ण करण्यात कसा अपयशी ठरतो?
कपिल शर्माने अलीकडेच त्याच्या अधिकृत इंस्टाग्राम हँडलवर Zwigato चा ट्रेलर शेअर केला आहे. हे शेअर करत त्याने कॅप्शनमध्ये लिहिले की, ‘टिंग टोंग तुझा झ्विगाटो ट्रेलर वितरित झाला आहे. कृपया रेटिंग द्यायला विसरू नका. कपिलने या मजबुरीची आणि मजुरीची कहाणी लोकांसमोर मांडण्याचा प्रयत्न केला आहे.
Zwigato ही एक गंभीर विषयावर आधारित कथा आहे. ज्याचा लोकांवरही मोठा परिणाम होण्याची अपेक्षा आहे. या चित्रपटात कपिल शर्मा फूड डिलिव्हरी बॉयच्या भूमिकेत दिसत आहे. जो एका पाईसाठी रात्रंदिवस मोठमोठ्या सोसायट्यांच्या आणि घरांच्या पायऱ्या चढतो. इथे एका डिलिव्हरी मॅनला सोसायटीची लिफ्ट कशी वापरू दिली जात नाही, हेही एक अतिशय भावूक दृश्य आहे.
डिलिव्हरी मॅन म्हणून एक सामान्य माणूस ज्याच्या कुटुंबात पत्नी आणि दोन मुले आहेत. पण, हे काम थोडं अवघड होऊन जाते, जेव्हा अॅपला समजून घ्यावे लागते. रेटिंगच्या शर्यतीत डिलिव्हरी मॅन कुठेतरी मागे पडतो आणि इथून सुरू होते लाचारी आणि वेतनासाठी संघर्षाची कहाणी. ग्राहकासोबत सेल्फी अपलोड करण्यासाठी 10 रुपये जादा मिळवण्याची इच्छा डिलिव्हरी बॉयला कशी भाग पाडते ते तुम्ही पाहू शकता. चित्रपटाच्या प्रदर्शनाच्या तारखेबद्दल बोलत असताना, 17 मार्च रोजी थिएटरमध्ये Zwigato प्रदर्शित होत आहे. आता पाहणे औत्सुक्याचे ठरेल की, पूर्वी लोकांना हसवणारा कपिल शर्मा आता आपल्या इमोशनल चित्रपटाने सर्वांची मने जिंकू शकतो का?