भारतीय क्रिकेट नियामक मंडळाने महिला प्रीमियर लीग संघांच्या घोषणेने महिला क्रिकेटमध्ये एक नवीन सुरुवात केली आहे. आता खेळाडूंच्या लिलावाची सर्वांना प्रतीक्षा आहे. एवढेच नाही तर मिताली राजसारख्या दिग्गज फलंदाजाला खेळताना पाहण्याची संधी मिळेल अशी आशा भारतीय चाहत्यांना आहे, पण तसे होताना दिसत नाही.
टीम इंडियाची माजी कर्णधार आणि अनुभवी फलंदाज मितारी राज डब्ल्यूपीएलमध्ये खेळताना दिसणार नाही. क्रिकेट नेक्स्टच्या रिपोर्टनुसार, मिताली WPL च्या पहिल्या सत्रात खेळण्याऐवजी अहमदाबाद फ्रँचायझीमध्ये सामील होणार आहे.
अहवालानुसार, मिताली अहमदाबाद (गुजरात जायंट्स) सोबत मार्गदर्शकाची भूमिका साकारणार आहे, जी WPL ची सर्वात महागडी फ्रँचायझी बनली आहे.
मितालीला खेळायचे नव्हते असे नाही. काही महिन्यांपूर्वी तिने याबाबत इच्छाही व्यक्त केली होती, पण अहवालानुसार, पाचपैकी एकाही फ्रँचायझीने मितालीसाठी फारसा रस दाखवला नाही, त्यानंतर तिने हा निर्णय घेतला आहे.
मितालीच नाही तर भारतीय चाहत्यांनाही अनुभवी वेगवान गोलंदाज झुलन गोस्वामीला पुन्हा पाहायचे आहे. पण तिला खूप उशीर झाला असल्याने ती खेळणार नसल्याचे खुद्द झुलनने स्पष्ट केले. झूलन म्हणाली होती की, एक-दोन वर्षांपूर्वी ती सुरू झाली असती तर ती खेळू शकली असती.