अभिनेता कार्तिक आर्यन, क्रिती सेनन आणि मनीषा कोईराला स्टारर ‘शहजादा’ या चित्रपटाचा ट्रेलर रिलीज झाला आहे. ट्रेलरमध्ये कार्तिक दमदार अॅक्शन करताना दिसत आहे. हा चित्रपट रोहित धवनने दिग्दर्शित केला आहे. चित्रपटाचे शूटिंग संपल्यानंतर दुसऱ्याच दिवशी ट्रेलर रिलीज करण्यात आला आहे. कालच मनीषा कोईराला आणि क्रिती सेनन यांनी इंस्टाग्रामद्वारे चाहत्यांसह रॅप-अप पार्टीचे फोटो आणि व्हिडिओ शेअर केले होते.
ट्रेलरमध्ये तुम्हाला बरेच अॅक्शन आणि ड्रामा पाहायला मिळेल. कार्तिक आर्यन परेश रावलला विचारतो, बाबा, मी लहानपणापासून पाहत आलो आहे की तुम्ही मला कधीच आत जाऊ दिले नाही. त्यानंतर परेश रावल म्हणतात की हा स्वर्ग आहे, इथपर्यंत पोहोचण्यासाठी तुम्हाला अनेक पुण्य करावे लागतील किंवा मरावे लागेल. गरिबीत वाढलेल्या कार्तिक आर्यनला अचानक कळते की रणदीप हा त्याचा बाप आहे, बाल्मिकी नाही आणि तो जिंदाल कुटुंबाचा राजकुमार आहे. खरा राजकुमार कार्तिकला जेव्हा कळते की तो रणदीपचा खरा वारसदार आहे, तेव्हा तो महालात प्रवेश करतो. त्याचबरोबर ट्रेलरमध्ये भरपूर अॅक्शन आणि फाईट सीन्स पाहायला मिळतात.
यापूर्वी ‘शेहजादा’ चित्रपटाचा टीझर प्रदर्शित झाला होता. कार्तिकच्या वाढदिवसानिमित्त चित्रपट निर्मात्यांनी हा टीझर रिलीज केला आहे. या चित्रपटात कार्तिक पहिल्यांदाच अॅक्शन अवतारात दिसत आहे. ट्रेलरपासून ते टीझरपर्यंत कार्तिक आर्यन धमाकेदार अॅक्शन करताना दिसत आहे. त्याचे फाईट सीन्स जबरदस्त आहेत. या चित्रपटातील कार्तिकच्या पात्राचे नाव बंटू असेल. शेहजादाचे दिग्दर्शन डेव्हिड धवनचा मुलगा रोहित धवन करत आहे. रोहितने यापूर्वी 2016 मधील ‘ढिशूम’ आणि 2011 मध्ये आलेला ‘देसी बॉईज’ चित्रपट दिग्दर्शित केला आहे. ‘शेहजादा’ हा चित्रपट 23 फेब्रुवारीला प्रदर्शित होणार आहे.
कार्तिक आर्यनसाठी गतवर्ष खूप छान होते. भूल भुलैया या चित्रपटाने बॉक्स ऑफिसवर चांगली कमाई केली होती. या चित्रपटाने बॉक्स ऑफिसवर 260 कोटींहून अधिकचा व्यवसाय केला. याशिवाय कार्तिकचा फ्रेडी हा चित्रपटही लोकांना आवडला. हा चित्रपट OTT प्लॅटफॉर्म डिस्ने प्लस हॉटस्टारवर प्रसारित झाला.