मायक्रोसॉफ्टचे सीईओ सत्या नडेला चार दिवसांच्या भारत दौऱ्यावर आले असून, यादरम्यान ते अनेक बड्या लोकांच्या भेटीगाठी घेत आहेत. परराष्ट्र मंत्री एस जयशंकर यांची नवी दिल्लीत भेट घेतल्यानंतर मायक्रोसॉफ्टचे अध्यक्ष सत्या नडेला यांनी नुकतीच पंतप्रधान मोदींचीही भेट घेतली आहे. सत्या नडेला यांनी आज (5 जानेवारी) पंतप्रधान नरेंद्र मोदी यांची भेट घेतल्यानंतर काही वेळापूर्वी त्यांच्या अधिकृत ट्विटर अकाउंटवरून ट्विट केले आहे.
सत्या नडेला यांनी ट्विट करताना पंतप्रधान मोदींसोबतच्या भेटीचा फोटोही शेअर केला आहे. सत्या नडेला यांनी ट्विट करताना काय लिहिले आहे ते आम्ही तुम्हाला सांगतो.
Thank you @narendramodi for an insightful meeting. It’s inspiring to see the government’s deep focus on sustainable and inclusive economic growth led by digital transformation and we’re looking forward to helping India realize the Digital India vision and be a light for the world pic.twitter.com/xTDN9E9VdK
— Satya Nadella (@satyanadella) January 5, 2023
अॅपल ज्या प्रकारे भारतात आयफोन मॉडेल्ससह इतर उत्पादने बनवत आहे, त्याचप्रमाणे आता टेक दिग्गज मायक्रोसॉफ्टने देखील स्पष्ट केले आहे की कंपनी आता मेक इन इंडिया उत्पादनांवर लक्ष केंद्रित करेल. कंपनीचे अध्यक्ष आणि मुख्य कार्यकारी अधिकारी सत्या नडेला म्हणाले की, मायक्रोसॉफ्टची भारताप्रती खूप बांधिलकी आहे. यासोबतच त्यांनी हेही स्पष्ट केले आहे की मायक्रोसॉफ्ट भारतात लक्षणीय गुंतवणूक करत आहे आणि त्यांची जागतिक उत्पादने भारतातच बनवण्याचा विचारही करत आहे.
मेड-इन-इंडिया उत्पादनांवर लक्ष केंद्रित करत आहेत सत्या नडेला
मायक्रोसॉफ्टचे सीईओ सत्या नडेला, ज्यांना गेल्या वर्षी ऑक्टोबरमध्ये पद्मभूषण पुरस्काराने सन्मानित करण्यात आले होते, त्यांनी इकॉनॉमिक टाईम्सशी संवाद साधताना सांगितले की, पूर्वी कंपनी आपली उत्पादने इतरत्र बनवायची आणि ती भारतात विकायची, पण आता त्यात बदल होत आहे. आणि आता कंपनी आपली जागतिक उत्पादने भारतात तयार करेल.
अलीकडेच मुंबईत झालेल्या मायक्रोसॉफ्ट फ्युचर रेडी लीडरशिप समिटमध्ये सत्य नडेला म्हणाले की, तंत्रज्ञान प्रत्येक क्षेत्रात झपाट्याने बदलत आहे आणि येणारा काळ हा क्लाऊडचा आहे. मायक्रोसॉफ्टचे चेअरमन सत्या नडेला यांनी क्लाउडचे वर्णन गेम चेंजर म्हणून केले आहे. केवळ क्लाऊडच नाही, तर सत्या नडेला यांनी AI म्हणजेच कृत्रिम बुद्धिमत्ता आवश्यक असल्याचे म्हटले आहे. आपले म्हणणे मांडताना ते म्हणाले की क्लाउड आणि एआय दोन्ही आर्थिक वाढीसाठी उपयुक्त ठरतील.
ChatGPTला बिंज सर्चमध्ये आणण्याची तयारी करत आहे मायक्रोसॉफ्ट
Google शी स्पर्धा करण्यासाठी कंपनी ChatGPT ला Binge सर्च इंजिनमध्ये समाकलित करण्यावर काम करू शकते असे सूचित करणारे अनेक मीडिया रिपोर्ट्स समोर आले आहेत. रॉयटर्सच्या म्हणण्यानुसार, कंपनी AI रिसर्च फर्म OpenAI सोबत ChatGPT ला Binge सर्च इंजिनमध्ये समाकलित करण्यासाठी काम करत आहे.