कर्णधार रोहित शर्माच्या नेतृत्वाखाली भारतीय संघ टी-20 विश्वचषकासाठी ऑस्ट्रेलियात पोहोचला आहे. टीम इंडियाने शुक्रवारी पर्थमध्ये पहिल्या सराव सत्रातही भाग घेतला. भारतीय संघ 14 खेळाडूंसह ऑस्ट्रेलियाला रवाना झाला आहे. त्याच वेळी, तीन राखीव खेळाडू 11 ऑक्टोबर रोजी दक्षिण आफ्रिकेविरुद्धच्या वनडे मालिकेनंतर ऑस्ट्रेलियाला रवाना होतील. जसप्रीत बुमराह दुखापतीमुळे आधीच टी-20 विश्वचषकातून बाहेर पडला आहे. मात्र, बीसीसीआयने अद्याप त्याच्या बदलीची घोषणा केलेली नाही. अशा परिस्थितीत, मोहम्मद शमी, दीपक चहर, श्रेयस अय्यर आणि रवी बिश्नोई या राखीव खेळाडूंपैकी कोणताही 15 वा खेळाडू म्हणून टीम इंडियामध्ये समावेश केला जाऊ शकतो.
ऑस्ट्रेलियाला रवाना होण्यापूर्वी बीसीसीआयने टीम इंडियाचा एक फोटो शेअर केला होता, ज्यामध्ये सर्व खेळाडू ब्लेझरमध्ये दिसत आहेत. प्रशिक्षक राहुल द्रविडही सर्व कर्मचाऱ्यांसह ऑस्ट्रेलियाला रवाना झाला आहे. यावेळी भारतीय संघाची संपूर्ण जबाबदारी कर्णधार रोहित शर्मा, विराट कोहली, सूर्यकुमार यादव आणि दिनेश कार्तिक या वरिष्ठ खेळाडूंवर असेल. रोहित, विराट आणि दिनेशसाठी हा शेवटचा टी-20 विश्वचषकही असू शकतो.
.jpg)
सध्या सोशल मीडियावर एक व्हिडिओ खूप व्हायरल होत आहे, ज्यामध्ये सूर्यकुमार यादव तयार होताना दिसत आहेत. हा व्हिडिओ टीम इंडिया रवाना होण्यापूर्वीचा आहे. या व्हिडिओमध्ये सूर्यकुमारला त्याची पत्नी देविशा शेट्टी तयार करत आहे आणि त्याला टीम इंडियाचा ब्लेझर घालायला लावते आहे. या व्हिडिओमध्ये सूर्यकुमार यादव सूर्यकुमार पत्नी देवीशा, आई-वडील आणि बहिणीसोबत दिसत आहेत. हा व्हिडिओ सोशल मीडियावर खूप शेअर केला जात आहे. काही चाहत्यांनी याला सर्वात सुंदर व्हिडिओ म्हटले आहे.
No one can hate this man,he is very much dedicated towards his aim, passion,profession.Just look how happy his family members are.He came a little late but he is going to represent our country again in a big stage.Hope he plays well and we should be proud of him.#SuryakumarYadav pic.twitter.com/DtgO2l7DrT
— Swept4Six (@LoyalFanOfSKY11) October 6, 2022
सूर्यकुमार सध्या उत्कृष्ट फॉर्ममध्ये आहे. आंतरराष्ट्रीय टी-20 मध्ये तो जागतिक क्रमवारीत दुसऱ्या क्रमांकाचा फलंदाज आहे. ऑस्ट्रेलियाविरुद्ध त्याने अनेक शानदार खेळी खेळल्या. ऑस्ट्रेलियाविरुद्धच्या तिसऱ्या T20 मध्ये, सूर्यकुमारने 24 धावा करताच T20 आंतरराष्ट्रीय सामन्यांमध्ये 1000 धावा पूर्ण केल्या. सूर्यकुमारने 32 सामन्यांच्या 31 डावांमध्ये हजार धावा पूर्ण केल्या. आंतरराष्ट्रीय T20 मध्ये सर्वात कमी डावात हजार धावा करणारा तो भारताचा तिसरा खेळाडू ठरला आहे. विराट कोहलीने 27 डावात तर केएल राहुलने 29 डावात हजार धावा पूर्ण केल्या.
1000 धावा पूर्ण केल्यानंतर सूर्यकुमार कोहली, रोहित, महेंद्रसिंग धोनी, युवराज सिंग, शिखर धवन आणि सुरेश रैना यांच्या क्लबमध्ये सामील झाला. यासह सूर्यकुमार आंतरराष्ट्रीय टी-20 मध्ये चेंडूच्या बाबतीत हजार धावा पूर्ण करणारा सर्वात जलद फलंदाज ठरला आहे. सूर्यकुमारने 174 च्या स्ट्राईक रेटने 573 चेंडू खेळून 1000 धावा पूर्ण केल्या आहेत. त्याचवेळी ग्लेन मॅक्सवेल दुसऱ्या क्रमांकावर आहे. आंतरराष्ट्रीय T20 मध्ये हजार धावा पूर्ण करण्यासाठी त्याने एकूण 604 चेंडू खेळले. यादरम्यान त्याचा स्ट्राइक रेट 166 होता. न्यूझीलंडचा कॉलिन मुनरो 635 चेंडूसह तिसऱ्या क्रमांकावर आहे.
सूर्यकुमारच्या आहेत कॅलेंडरमध्ये सर्वाधिक धावा
सूर्यकुमारने 2022 मध्ये आतापर्यंत 22 टी-20 आंतरराष्ट्रीय सामन्यांमध्ये 793 धावा केल्या आहेत. एका कॅलेंडर वर्षात सर्वाधिक धावा करणारा तो भारतीय फलंदाज आहे. आता सूर्यकुमारची नजर पाकिस्तानच्या मोहम्मद रिझवान आणि बाबर आझम यांच्या रेकॉर्डवर आहे. एका कॅलेंडर वर्षात T20 आंतरराष्ट्रीय सामन्यांमध्ये सर्वाधिक धावा करण्याचा विक्रम रिझवानच्या नावावर आहे. रिझवानने 2021 मध्ये 29 सामन्यात 1326 धावा केल्या. त्याच वेळी, बाबरने 2021 मध्ये 29 सामन्यांत 939 धावा केल्या होत्या. यानंतर सूर्यकुमारचा नंबर येतो.
सूर्यकुमारचे एका कॅलेंडर वर्षात सर्वाधिक षटकार
एका कॅलेंडर वर्षात T-20 आंतरराष्ट्रीय सामन्यांमध्ये सर्वाधिक षटकार मारण्याचा विक्रमही सूर्यकुमारच्या नावावर आहे. त्याने या वर्षी (2022) आतापर्यंत एकूण 51 षटकार मारले आहेत. हा टप्पा गाठणारा, तो पहिला खेळाडू आहे. यापूर्वी एका कॅलेंडर वर्षात सर्वाधिक षटकार मारण्याचा विक्रम मोहम्मद रिझवानच्या नावावर होता. रिजवानने 2021 मध्ये 42 षटकार मारले होते. त्याचवेळी मार्टिन गुप्टिलने 2021 मध्ये 41 षटकार मारले आणि तो तिसऱ्या क्रमांकावर आहे.