Video Viral; टाइलच्या कामाचे पूर्ण पैसे मिळाले नाहीत, कारागिरीने पेटवून दिली मर्सिडीज

जरा हटके, व्हिडिओ, सर्वात लोकप्रिय / By / उत्तर प्रदेश पोलीस, व्हायरल व्हि़डीओ /


एका व्यक्तीने मर्सिडीज कारला आग लावल्याचा व्हिडिओ सोशल मीडियावर व्हायरल होत आहे. वृत्तानुसार, हे प्रकरण उत्तर प्रदेशातील नोएडा येथील आहे, जिथे एका कथित कारागिराने टाइलच्या कामाचे पूर्ण पैसे न मिळाल्याने एका व्यक्तीची मर्सिडीज पेटवून दिली. ही संपूर्ण घटना सीसीटीव्हीमध्ये कैद झाली असून, त्यानंतर हा व्हिडिओ सोशल मीडियावर व्हायरल झाला आहे. हे फुटेज रविवारचे असल्याचे सांगितले जात आहे.

त्या व्यक्तीला पोलिसांनी केली अटक
या व्हायरल फुटेजमध्ये हेल्मेट घातलेला माणूस दुचाकीवरून जात असल्याचे आपण पाहू शकतो. यानंतर, तो जवळच उभ्या असलेल्या मर्सिडीज कारकडे जातो आणि आग लावल्यानंतर लगेच बाईककडे धावतो, त्यानंतर तो तेथून पळून जातो. या घटनेनंतर कार मालकाने पोलिसांत तक्रार दाखल केल्यानंतर पोलिसांनी काही तासांनंतर आरोपीला अटक केली.


कारागिराला मिळाले नाही मजुरीचे 2.68 लाख रुपये
मर्सिडीजच्या मालकाने घरामध्ये फरशा लावल्या होत्या, त्याचे 2.68 लाख रुपये दिले नव्हते. याचा राग येऊन कारागिराने त्याची आलिशान कार पेटवून दिली. नोएडा पोलीस आयुक्तालयाचे एसीपी रजनीश वर्मा यांनी सांगितले – आरोपीचे नाव रणवीर आहे, तो मूळचा बिहारचा आहे आणि नोएडा येथे कामाच्या निमित्ताने राहत आहे.

त्या व्यक्तीकडे अनेकवेळा केली होती पैशांची मागणी
त्यांनी पुढे सांगितले की, हा व्यक्ती घरांमध्ये फरशा बसवण्याचे काम करतो, सदरपूर गावात राहणारा आयुष चौहान याच्या घरी त्याने फरशा लावल्या होत्या. यासाठी आयुषकडे 2 लाख 68 हजार रुपये थकीत होते. चौकशीदरम्यान रणवीरने सांगितले की त्याने अनेकवेळा फसवणूक केली होती, परंतु आयुषने पैसे देण्यास नकार दिला. याचा राग येऊन रणवीरने मर्सिडीजला आग लावली.