काबूल – अफगाणिस्तानची राजधानी काबूलमध्ये सशस्त्र बंदुकधारींनी गुरुद्वारावर गोळीबार केल्याचे वृत्त समोर येत आहे. या घटनेत किमान 25 जणांचा मृत्यू झाल्याची भीती व्यक्त केली जात आहे. इंडियन एक्सप्रेस या वृत्तपत्राने गुरुद्वाराचे अध्यक्ष गुरनाम सिंग यांच्या हवाल्याने ही माहिती दिली आहे. गुरनाम सिंग यांनी सांगितले की, बंदुकधारींनी अचानक गुरुद्वारावर हल्ला केला आणि नंतर अंदाधुंद गोळीबार सुरू केला. काही लोक इमारतीच्या पलीकडे लपून बसले होते. त्याचवेळी किमान 25 जणांना जीव वाचवण्याची संधी मिळाली नाही आणि ते दहशतवाद्यांच्या गोळ्यांना बळी पडले. गुरुद्वारा कर्ता परवान हे काबूलमधील शीख समुदायाचे मध्यवर्ती गुरुद्वारा आहे. तालिबानने ताब्यात घेतल्यापासून किमान 150 अफगाण शीख अजूनही देशात अडकले आहेत. ते गेल्या काही महिन्यांपासून भारताकडून व्हिसा मागत आहेत.
येथे व्हिडिओ पहा
#WATCH | Explosions heard in Karte Parwan area of Kabul city in Afghanistan.
(Video Source: Locals) pic.twitter.com/jsiv2wVGe8
— ANI (@ANI) June 18, 2022
घटनास्थळी पोहोचले तालिबानी सैनिक
काबुल गुरुद्वारावर हल्ला करणारे बंदूकधारी बहुधा तालिबानच्या प्रतिस्पर्धी दाएश गटाचे असावेत. तालिबानी दहशतवादी घटनास्थळी पोहोचले असून त्यांच्यात चकमक सुरू आहे. गुरुद्वाराचे नुकसान झाले असून चार शीख बेपत्ता आहेत. पंजाबचे राज्यसभा खासदार विक्रम साहनी यांनी ही माहिती दिली.
याआधीही झाला होता गुरुद्वारावर हल्ला
गेल्या ऑक्टोबरमध्ये, तालिबान सत्तेवर आल्यानंतर, अज्ञात बंदूकधाऱ्यांनी गुरुद्वारा कर्ता परवानवर हल्ला केला आणि मालमत्तेची तोडफोड केली. तेव्हापासून अफगाण शीख भारताकडे मदतीचे आवाहन करत आहेत.