मनसे अध्यक्ष राज ठाकरेंचा अयोध्या दौरा रद्द


मुंबई : महाराष्ट्र नवनिर्माण सेनेचे (मनसे) अध्यक्ष राज ठाकरे यांचा अयोध्या दौरा रद्द करण्यात आला आहे. 5 जून रोजी ते अयोध्येला जाणार होते, मात्र सूत्रांच्या माहितीनुसार ते आता अयोध्येला जाणार नाहीत. मात्र, राज ठाकरे यांचा अयोध्या दौरा का रद्द करण्यात आला, हे समोर आलेले नाही.

भाजप खासदार ब्रजभूषण शरण सिंह यांनी दिला होता इशारा
अलीकडेच भाजप खासदार ब्रिजभूषण शरण सिंह यांनी राज ठाकरेंच्या प्रस्तावित अयोध्या दौऱ्याला विरोध केला होता. उत्तर भारतीयांची जाहीर माफी मागितल्याशिवाय उत्तर प्रदेशच्या मातीवर पाऊलही ठेवू देणार नाही, असा इशारा त्यांनी दिला होता. मनसे अध्यक्ष राज ठाकरे यांचा अयोध्या दौरा 5 जूनला प्रस्तावित होता.

2008 मध्ये ‘मराठी माणूस’च्या समर्थनार्थ झालेल्या आंदोलनादरम्यान रेल्वे परीक्षा देण्यासाठी मुंबईत कल्याणमध्ये पोहोचलेल्या उत्तर भारतीयांना मारहाण केल्याचा आरोप राज ठाकरेंवर आहे. गेल्या महिन्यात राज ठाकरे यांनी महाराष्ट्रातील मशिदींतील लाऊडस्पीकर हटवण्याबाबत आवाज उठवला होता.