करोना प्रसारामुळे जगाने टीकेची झोड उठविलेल्या चीनने लहान बालकांवर अजब प्रयोग करण्याची योजना आखली गेली आहे. या योजनेनुसार ज्या पालकांना आपली मुले ‘सुपर किड’ व्हावीत म्हणजे सर्व क्षेत्रात पुढे असावीत असे वाटत असेल त्यांना चिकन पॅरेटिंग स्वीकारावे लागणार आहे.
सुपर किड होण्यासाठी मुलांना कोंबड्याच्या रक्ताचे इंजेक्शन दिले जाणार आहे. त्यामुळे आरोग्य संदर्भातल्या सर्व समस्या दूर होणार आहेतच पण वांझपण, नपुसंगत्व, कॅन्सर, टक्कल पडणे या त्रासातून सुद्धा मुक्ती मिळणार असल्याचे सांगितले जात आहे. सिंगापूर पोस्टच्या रिपोर्ट नुसार कोंबड्याच्या रक्तात जी स्टिरॉईड असतात त्यामुळे मुले अभ्यासाबरोबरच खेळ आणि अन्य क्षेत्रात चांगला परफॉर्मन्स देऊ शकतात असा दावा केला गेला आहे.
बीजिंग, शांघाई, ग्वांग्झू मध्ये चिकन बेबी ही वेगळी ओळख आहे. हे चिकन पॅरेंटिंग म्हणजे अमेरिकेतील ‘हेलीकॉप्टर पॅरेंटिंग’ प्रमाणेच आहे. यात सुद्धा मुले सर्व क्षेत्रात पुढे रहावीत यासाठी विशेष प्रशिक्षण दिले जाते. चीनच्या नॅशनल मेंटल हेल्थ डेव्हलपमेंट नुसार चीन मध्ये २५ टक्के किशोर काही ना काही आजाराने ग्रस्त असून त्यात दृष्टीदोष असलेल्यांची संख्या मोठी आहे. माध्यमिक शाळेतील ७१ टक्के तर उच्च माध्यमिक शाळेतील ८१ टक्के मुलांचे डोळे कमजोर आहेत.