राज्यातील कोरोनाबाधितांच्या संख्येत आज १५ हजार ८१७ची वाढ, तर ५६ रूग्णांचा मृत्यू

सध्या राज्यातील मृत्यू दर २.३१ टक्के एवढा आहे. आजपर्यंत राज्यात ५२ हजार ७२३ रूग्णांचा मृत्यू झालेला आहे. राज्यात आज रोजी एकूण १,१०,४८५ ॲक्टिव्ह रुग्ण आहेत. तर, आज ११,३४४ रुग्णांनी कोरोनावर मात केली आहे. आजपर्यंत राज्यात एकूण २१,१७,७४४ कोरोना बाधित रुग्ण बरे होऊन घरी परतले असल्यामुळे राज्यातील रुग्ण बरे होण्याचे प्रमाण (रिकव्हरी रेट) ९२.७९ टक्के एवढे झाले आहे.

राज्यात आजपर्यंत करण्यात आलेल्या तपासण्यात १,७३,१०,५८६ प्रयोगशाळा नमुन्यांपैकी २२,८२,१९१ (१३.१८ टक्के ) नमुने पॉझिटिव्ह आले आहेत. सध्या राज्यात ५,४२,६९३ व्यक्ती गृहविलगीकरणा मध्ये आहेत. तर ४ हजार ८८४ व्यक्ती संस्थात्मक विलगीकरणात आहेत.