आरक्षणासाठी पुन्हा रस्त्यावर उतरणार मराठा समाज

आत्मबलिदान आंदोलनाला काकासाहेब शिंदे यांच्या स्मृतिस्थळावरून सुरूवात होणार आहे. आंदोलनात आरक्षणासाठी बलिदान देणारी 42 कुटुंबे सहभागी होणार आहे. जोपर्यंत मागण्या मान्य होत नाही तोपर्यंत हे आंदोलन सुरू राहणार असल्याचा इशारा रमेश केरे यांनी दिला आहे. मराठा आरक्षण उपसमितीची बैठक अद्यापही झाली नाही. त्यामुळे उपसमितीचे अध्यक्ष अशोक चव्हाण यांनी राजीनामा द्यावा, अशी मागणी मराठी संघटनेचे मुख्य समन्वयक रमेश केरे यांनी केली आहे. याबाबत मुख्यमंत्री उद्धव ठाकरे यांच्याकडे रमेश केरे यांनी लेखी निवेदनही पाठवले आहे. तसेच राज्य सरकारने न्यायालयात आरक्षणाची बाजू मांडण्यासाठी काय तयारी केली आहे, असा सवालही रमेश केरे यांनी केला आहे.